Цумур-цагу дин оьвтIутIиссар дакьаврийн ва дусшиврийн

[dropcap]Т[/dropcap]ерроризмалул ва экстремизмалул идеологиялийн къаршину 2018 шинал дуван ккаккан дурсса давурттал лагрулий тталаткьини райондалул терроризмалийн къаршисса комиссиялул,МЧС-рал Лакрал райондалийсса дежурно-диспетчерский къуллугъращал ва балугъравун биян буваминнал иширтталсса буллалисса инспекторнащал цачIуну ГьунчIукьатIрал школалий дурунни терроризмалул актрал нигьачIаврия бурувччуну бикIан школалул коллектив ва дуклаки оьрчIру цуксса хIадурну бурив ххал буллалисса мероприятие.


[dropcap]М[/dropcap]у даврил хIасиллу ххал диргьуну махъ кIицI ларгунни ялун лирчу­сса диялдакъашивуртту.
Муния махъ комиссиялул каялувчи МахIаммад Гадаевлул бувна бусурманнал цайми диннал инсантуращалсса арардайн багьай­сса ихтилат, ттигъанну Къизлардай хьусса оьзру хIисаврайн лавсун, му оьсса тIулгу дащуй дихьлай. ОьрчIан бувчIин буллай бия гьарца диндалул душиву ттуршукурдал лахъишиврий цIакь хьусса аьдатру. Амма миннул бушиву щалагу инсаниятран аьмсса мурадру – хьхьичIра-хьхьичI цумурцагу дин оьвтIий душиву дусшиврийн ва дакьаврийн.

Цамур диндалул инсан оьр­мулуцIа аву, инсаннай къия даву царагу диндалул кьамул буллай бакъар ва цайми диннал хIурмат бушиврийну жуламур дин цукунчIавгу кьюкьлай дакъар.
МЧС-рал Лакрал райондалийсса къуллугърал каялувчи На­дир ХIасановлул ва балугъравун биян буваминнал ишир­тталсса буллалисса инспектор Нариман ХIусайхановлул дуклаки оьрчIащал бунни экстремизмалул ва терроризмалул пикрирдая буруччаврийн багьайсса ихтилат.