Сагъсса маз – аьзизсса маз

МахIачкъалаллал ЦБС-рал 2-сса библиотекалул зузалтрал дуллалисса мероприятиярттаву агьамсса кIану бугьлай бур ниттил мазран хасми батIавурттал. Дагъусттаннал миллатрал чичул, шаэрнал юбилейрайн бикIу, миллатирттал мазурдийсса литературалун хасъсса шадлугърайн бикIу, хъинну ххуйну хIадургу хьуну, дувай вайннал гьарца даву.


З. АьбдурахIманова
Вана ва ххуллухгу, февральданул 21-нний, щалла дунияллий кIицI лагайсса Ниттил мазрал кьини библиотекалучIасса «Гьунар ва Гьавас» тIисса клубрал лагрулий «На бакI кьус ритлай ура аьзизсса мазрал хьхьичI!» тIисса цIанилусса лингвовечер хьунни.

Бия шиккун хъамаллурайнгу оьвкуну. Цала студентътуращал бувкIун бия ДГУ-лул филологиялул факультетрал Дагъусттаннал мазурдил кафедралул доцентътал Маржанат ХIажиахIмадова ва Раисат Аьлимурзаева.
«Сагъсса маз – аьзизсса махъ» тIисса ихтилат бувна библиотекалул хъунмур Фарида Рамазановал.

ЛичIи-личIисса конкурсру ва викторинарду дакъасса, мукунна шикку сакин дурну дия луттирдал выставкагу. Вайннувух бия миллатирттал мазурдийсса пособияртту, пасихIсса мазрай гъалгъа тIун ла­хьхьин буллалисса ва магьирлугърая бусласисса жужру.
Буккулт таза буккан бан «Махъ – хъунмасса кумагчири», «Лякъи махъ», Словарьду», « Диша диял къахъанахъисса хIарп» тIисса тIуркIурдугу бувна. Мукунма гьарнал бувккуна цала-цала нитттил мазрайсса шеърирду. Лингвовечер хъиннура чIюлу дурна 4-мур курсирай дуклакисса Хираев Заурдул яру мазрай щаллу бувсса балайлулгу.