«Илчи»-маслихIатчи


КIинттул ябуллалисса нувщи чIумуя чIумуйн (15-20 гьантта ляхну) ххал баван аьркин­ссар: ххяхлан бивкIминнуя риттара кIурхру, аьллан бивкIми букьара.

Ахънилсса ядуван аьркин­ссар цIансса дюхлулсса кIанттай. Бургъил чаннал чан хьун бай­ссар миннувусса каратин.

***
МарцI бувсса нувщи щинаву лахъину битан къабучIиссар, бухлагайссар крахмалданул ва витамин С-лул биялсса бутIа.

***
ЧIикIунтIагу, къургу ядан шайссар 4-5 зурул мутталий, агарда, ккутIарисса яшикIирттавугу дирхьуну, миннуйн неххал кьавкьсса къун бичирча.

***
Мукунна ядан шайссар хъюртгу: неххал къунгу лях бичлай, дихьлай, буцIин бара яшикI, хъюртру дишара цаннийн ца къалаянну.

***
Щюллишиву (гъаран, сувра, петрушка) ядан хьунтIиссар ца­ппара гьантрай уттарану, агарда ми диширча гъапI чин дурну кьалакьигу ларкьусса кIункIурдуву: так кIункIур бикIан аьркинссар ххуйну кьавкьсса, цирда щюллишивугу дикIан аьркинссар хъат­ру дакъасса.

***
Мебельданийсса ххарцив дахьлаган дан бюхъантIиссар му мебельданул рангирайсса уссал кремрал кумаграйну.

***
Шавхьсса ккунукру бигьану марцI бан хьунтIиссар, агарда ми шахьлахьисса щинавун чIири къуса содалул дичирча.
***
Вазалуву дирхьусса тIутIал оьрму лахъи буван ччай бухьурча, ми дирхьусса щинавун бутIара аьракьул ца-кIива кIунтI ягу ца чIири къуса качарданул.

***
Агарда зулла канилу чIирисса фонарь дуну, чани тIурча, хъунмасса аьркинну бухьурча, дахIара му фонарь щинал дурцIусса пластикалул шушлуцIун. Хъунма­сса ва яргсса чани бусса фонарь хIадурссар.

ХIадур бувссар
Бадрижамал Аьлиевал