[dropcap]Н[/dropcap]акь, бюхъавай, ца базилух хIачIансса дакъа мадаванни. Лахъи ларгукун, чан шайссар миннувусса мюнпат бусса затругу, чIиви личIайссар тIингу.

---

* * *
Ккунукру цивппа ци лагрулул бухьурчагу, вивсса хъахъу тIурча, бикIайсса бур сайки ца куццуйсса.

* * *
Лахъину ябуллалисса ккунукру бишаван аьркинссар мицI лувну. Цан бакъарча, миннул къуркъамур чулух дусса дур «ссихI бигьин» шайсса, янин къачIалачIисса, ккутIру (поры).

* * *
Шархьсса дикI накьлива гацIана мадуккаванну, дилутира цаппара хIаллай, цIугу лерщун. Мукунсса дикI дикIайссар хъинну щинтасса, нахIусса.

* * *
Шархьсса дикIуйн най бунува цIу мабичаванни, дитияра цаппара хIаллай пахь учиннин, цIил дуккан дайссар дикIува нахIусса сок.

* * *
МикIларчIун диркIсса дикI щинаву дирхьуну, дассан мадаванни, тIин чIиви личIайссар.

* * *
Ппиринж кIялава-кIяласса ва нахIусса хьунтIиссар, агарда ми шахьлахьисса щинавун чан­сса ссирка ххи дарча.

* * *
НакI ялтту къагьантIиссар, агарда гай щаралахъан дирхьу­сса кIункIурдул зумардайх аьгъу­шиву дуккарча.

* * *
Шахьлахьисса хъюруврайн цIу мабичари, гай ччяни къашахьантIиссар. Бичара так шархьун мукьах.
* * *
Ябуллай хъунмасса хIал хьусса нувщуйн, шахьлахьисса чIумал, бичара чансса качар, нахIу хьунтIиссар.
* * *
Нувщул пюре буллалийни, цукунчIав ишла мадару дяркъу­сса накI, рутIин аьркинссар анжагъ кIирисса накI.

* * *
Чавахърал пирпиллу (чешуя) марцI бан бигьану бикIантIиссар, агарда марцI бан хьхьичI га ца-кIира секундрайсса кIирисса щинавун щун барча.