Ламу бувансса чаран ляхълай бусса бур

[dropcap]Г[/dropcap]ьашину 2018-ку шинал бувксса «Илчи» кказитрал цалчинмур номерданий кIицI лавгун буссия Хъуннеххайсса Хъюйннал шяраваллил лувсса ламу, лавхIуну бушиврийн бувну, бакьин буван ягу цIусса буван багьлай бушиву.

ХIажимурад ХIусайнов
[dropcap]К[/dropcap]казитрай макьала дурккун махъгу, на цIуххаву дуллай уссияв ва иширал ялув. Вана утти ххуйсса хавар бувсунни Ккуллал райондалийсса ххуллурдал идаралул каялувчи ТIутIилаев Аьвлулхаликьлул.
— Цакуну ва ламу буван чIярусса арцу аьркин хъанай душиврийн бувну, Дагъусттаннал «Автодорданул» дуллай бур ламул чIарах машинартту занан бюхъайсса, 500 мет­ралул лахъишиврийсса ххуллу бувансса проект. Мукунма гайннала пикри бусса бур шикку бишин чIумуйнусса, ца машина гьан бюхъайсса, пантоннайсса ламу.
Ккуллал райондалул администрациялул вивсса политикалул отделданул каялувчи Хизриев Шам­ххаллул бувсуна Дагъусттаннал хIукуматрайн ва «Автодорданул» каялувчинайн райондалул бакIчи Сулайманов Саэдлул чагъарду чивчушиву ва ламул хIакъираву.
Хьунхьуви чаран жула иширан. Ялугьланну дахханашиндарах.