[dropcap]Л[/dropcap]аргсса нюжмардий МахIачкъалаллал 11-мур лицейраву хьунни гьар шинах дувайсса «Яла ххуйма ниттил мазрал учитель – 2018» тIисса шагьрулул конкурс.Ванил мурадруну хъанахъиссар шагьрулул школарттай ниттил мазралва литературалул дарсирдал учительтурал бюхъу ккаккан баву, пишакаршиврул усттаршиву ялун личин даву ва цаннащал ца даврил опыт кIибачIаву.

---

Залму АьбдурахIманова
[dropcap]К[/dropcap]онкурсрал дайдихьулий 11-мур лицерал дуклаки оьрчIал хъамаллуран ва гьурттучитуран ккаккан дурунни хъун дакъасса концертгу.
Конкурс тIитIин бувкIсса хъамаллуравух ия МахIачкъалаллал КIулшивуртту дулаврил управлениялул хъунама ТIагьир Мансуров, Тахо-Годил цIанийсса Педагогикалул институтрал, ДГУ-рал, ДГПУ-рал элмулул пишакартал, Дагъусттаннал шаэртал ва шагьрулул цайми школарттаясса учительтал.
Гьурттучитуран кьиматру бищунсса жюрилувун бувчIуну бия республикалул вузирдал преподавательтал ва педагогикалул элмурдал кандидатътал.
Гьашинумур конкурсраву гьурттуну бия МахIачкъалаллал №33 школалий лакку мазрал дарсру дихьлахьисса Хъурхърал шяраватусса жагьилсса учитель Луиза ЛухIуевагу. ДГУ-рал да­гъусттаннал филологиялул факультет къуртал бувну, цила пишараха зий ванил хьуну дур дахьра 4 шин.
Конкурсрал цалчинмур кьини гьурттучитуран багьлай бия «Самопрезентация» тIисса номинациялий цаятува ва цала давриву ишла дувайсса кьяйдардая бусан. КIилчинмур кьинисса номинацияртту гьурттучитуран хъинну жаваблувсса ва хIарачат бан багьлагьисса дия. Ва кьини вайннал дишин багьлай бия ниттил мазрайсса дарсру ва вайннуя махъ финалданувунсса 5 учитель язи увгьуна. Шамилчинсса кьини язи бувгьусса финалистътураягу классрал ссят ва нитти-буттахъащалсса батIаву дуван тIалавну бия. Конкурсрал цалчинмур кIанттун лайкь хьунни шагьрулул 20-мур школалий къумукь мазрал дарс дихьлахьисса учительница. Утти ва регионал даражалийсса ниттил мазрал учительтурал дянивсса конкурсрай гьуртту хьунтIиссар.

[pullquote]Гьашинумур конкурсраву гьурттуну бия МахIачкъалаллал №33 школалий ла­кку мазрал дарсру дихьлахьисса Хъурхърал шяраватусса жагьилсса учитель Луиза ЛухIуевагу. ДГУ-рал да­гъусттаннал филологиялул факультет къуртал бувну, цила пишараха зий ванил хьуну дур дахьра
4 шин.[/pullquote]

ХьхьичIунми кIанттурдан лайкь къахьурчагу, гьуртту хьу­сса гьарцагу учительнан хъинну бучIи лякъинтIисса пишакартурал дянивсса бяст-ччал хъана­хъиссар ва. Лакку мазрал дарсру дихьлахьисса жула жагьилсса учительница ЛухIуева Луизан ва цалчинсса бунияласса конкурс диркIшивугу хIисавравун лавсун, чIа учин ччай бур вания гихунмайсса захIматрал ххуллий тIайлабацIу, пишакаршивруву хьхьичIуннайшивуртту ва ниттил маз лахьлан гъира бусса ла­кку оьрчIал кьюкьа хъун шаву.