укьттуршунния лирчу­сса шинну хьуну дур билаятран авадансса ирс – дунияллул литература ва театр ба­ххана бан савав хьусса, 38 пьеса ва 154 сонет кьабивтсса Ингилиснал драматург Вильям Шекспир дунияллия батIул хьуну.Амма му уттигу личIлай ур театрданул яла бюхттулмур бакIну, ххишала акъа тIалавнува ур му дунияллул жагьилсса никиран.

ХIакьинусса кьининийнгу бувчIин хьуну бакъар цимилвагу баххана хьусса заманардал тарихраву Шекспир литературалул рок-звездану личIаврил тIилисин ссаву буссарив.
Дагъусттаннай тIурча, бюх­ттулсса усттаршивугу, пишакаршивугу аьркинсса Шекспирдул ххазинардайн ка лаян сивсунни так Лакрал театр.
Шиннардил хьхьичI биял­сса тIайлабацIулущал бивхьу­ссия «Ромео и Джульетта». КIира шинал лажиндарай най буссия спектакль театрданул репертуардануву. Лавайсса даражалий хьу­ссар Аьрасатнал цайми шагьрурдайсса гастроллугу. Мукунма­сса тIайлабацIулущал бивхьуссия «Гамлет». КIивагу спектакль бивхьуссар Болгарнавасса режиссер Богдан Петканиннул. Цува хьуну ур художник-постановщикгу.
КIира шинал лажиндарай ва спектакль театрданул репертуардануву агьамсса кIанттай бур. Бихьлай бур лакку мазрайгу, оьрус мазрайгу. Хъунмасса тIайлабацIулущал хьунни мунил гастроллу Нальчик ва Аьшттархан шагьрурдай.
БувчIингу, лаласунгу, бухIангу захIматсса бухьурчагу, спектакль тIалавну бур студентътуран ва дук­лаки оьрчIангу. Театр чялишну зий бур МахIачкъала ва Каспийск шагьрурдал школарттащал ва лавайсса дуккаврил идарарттащал. Итникьини спектакль ккаккан бувкIун бия МахIачкъала шагьрулул 1,13, 58-ми школарттал лавайми классирттал дуклаки оьрчIру.