[dropcap]Ф[/dropcap]евральданул 6-нний ДР-лул ХIукуматрал председательнал кIанайма Анатолий Карибовлул дунни лачIун буккаврил Европанал чемпионатрайн хIадур шаврил ведомстварттал цачIусса зузи группалул батIаву.
[dropcap]Б[/dropcap]атIаврий ихтилат бувминнал бусаврийн бувну, Аьли Аьлиевлул цIанийсса Спортрал ва жагьилминнал къатраву къуртал дурну дур лачIун буккай заллу гьарта баврил давуртту, цIана цIу буккан буллай бур viр трибунарду, арбитртурансса ва журналистътурансса трибунарду.
Ккаккан бувну бур чемпионатрай гьуртту хьунминнансса, судиятурансса, лачIун буккаврил дунияллул халкьуннал дянивсса федерациялул делегатътурансса, журналистътурансса ва оьвкуну бувкIсса хъамаллуврансса патирду. Дузал дурну дур 2018 шинал лачIун буккаврил Европанал чемпионатрал сайт оьрус, ингилис ва паланг мазурдий. Конкурсрал гьанулий батIул увну ур 250 волонтер (кумагчи). ХIадур буллай бур, студентътурал дянива личIи бувну, ингилис ва паланг мазурдил таржумачитал, спортрал делегациярттащал ихтилатру буллан.

ХIадур бувссар
ХI. Аьдиловлул