Дагъусттаннал Россельхознадзорданул управлениялул 2017 шинал паччахIлугърал аьрщарал надзорданул ххуллий дурну дур 489 контрольданул ва надзорданул даву. Миннувату 14 ишираву 12,7 гектар дугьай хъуруннай цIинцI-ччюрк дичайсса бакIурду бувну лявкъуну бур.
ХIасан Аьдилов
Мукунсса бакIурду бувну бур Дарбантуллал, Къизилюртуллал ва Хасавюртуллал районнай. Ми закон лиян дуллалисса иширттайну чивчуну бур 2 млн. ва 58 азарда къурушрансса 251 протокол. Ва ялагу, чирчуну дур 135 справка аьрщарал законну лиян даврил хIакъиравугу. Ми законну лиян дурминнайн тIайла бувккун бур экологиялийн биян бувсса зараллу лахъаву хIисаврай 36 млн. ва 600 азарда къуруш тIалав дуллалисса чагъарду. Агарда ми арцу къалахъарча, управлениялул документру судрайн тIайла буккан тIий бур.
