[dropcap]Ф[/dropcap]евраль зурул 15-нний Ва­ччав Культуралул къатраву хьунни Авгъанисттаннай талай бивкIсса саллатIнащалсса хьунабакьаву.

ХIажимурад ХIусайнов
[dropcap]Б[/dropcap]увкIун бия Ваччиял школалул 8-мур классрал дуклаки оьрчIру, цала классрал каялувчи Загьидиева Иринащал. БувкIун бия мукунма Авгъанисттаннайсса дяъвилул гьурттучитал – Хъусращиял шяравасса Закарияев МахIаммад-ХIажи, Ккуллал шяравасса ХIу­сайнов Камил, Магьдиев Аьли­кьади. БавтIминнащал хьунабакьин бувкIун бия Лакрал ва Ккуллал районнал цачIусса аьралий комиссариатрал зузалт – Вагьабов Чимали, Юсупов Аьжуб, Мутаев ХIажибутта. Гьуртту хъанай бия Ккуллал райондалул администрациялул вивсса политикалул отделданул каялувчи Хизриев Шамххал, райондалул Ветерантурал советрал председатель Загьидиев Аьбдул ва райондалул культуралул зузалт.
[dropcap]Р[/dropcap]айондалул администрациялул чулуха хьунабакьаврийн бувкIсса шамагу Авгъан дяъвилул гьурттучинан барчаллагьрал чагъардугу буллуна. Ваччиял школалул дуклаки оьрчIал бувсуна гьарта-гьарзану га дяъвилия, дяъвилуву жанну кьурван дурминная. Увкуна Ватандалун, саллатIнан хас бувсса балайрду. Махъру лавхъуна Авгъан дяъвилул гьурттучитурал, аьралий комиссариатрал зузалтрал, райондалул Ветерантурал советрал председательнал.
[dropcap]К[/dropcap]ультуралул зузалтрал ккаккан дуруна концерт. Яла культуралул зузалтрал тIивтIусса ссупралухгу хьуна кутIасса барча бавуртту.