Дагъусттаннал БакIчи Владимир Васильев, Дагъусттаннал парламентрал спикер Хизри Шихсаидов, Дагъусттаннал Нацгвардиялул управлениялул каялувчи МахIаммад Баачилов, МахIачкъалаллал ва Грозный шагьрулул владыка Варлаам, Да­гъусттаннал виваллил иширттал министр Аьвдурашид МахIаммадов, Дагъусттаннал цIуллу-сагъшиву дуруччаврил министр Танка Ибрагьимов бивунни Къизлардайн, бала хьу­сса кIанттурдайн.

[dropcap]В[/dropcap]ладимир Васильевлул жижара бунни Къизлардай хьу­сса балаллухьхьун биривминнал гъан-маччанахь.
— Республикалий ялапар хъанахъисса личIи-личIисса миллатирттал ва диннал агьул­да­нул дянив дичин ччиминнан дакIниймур къавхьу­ссар, жула инсантал ялунгума хъиннува цачIун хьуссар. Къа­бю­хъантIиссар душмантураща жу­ла халкь кувннайн кув бичин, — увкунни цала ихтилатраву В. Васильевлул.
Бала хьусса кIанттая Владимир Васильев бакIчисса делегация лавгунни Къизлардал азарханалийн, щавурду дирминнах буруган.