[dropcap]Я[/dropcap]нварь зурул 22-нний Дагъусттаннал региондалийсса «Единая Россия» партиялул председатель Дмитрий Медведевлул приемнайлуву 8 инсан кьамул унни АьФ-лул ПаччахIлугърал Думалул депутат Аьбдулмажид МахIрамовлул.

Имара Саидова
ДР-лул Чичултрал союзрал член, шаэр Булбул Оьмариева бувкIун бия ниттил мазра­сса, оьрчIансса лу итабакьаврин ка-кумаг баву мурадрай. ОьрчIансса литература итадакьаву ва лакку маз ябаву мурадрайсса даву хъинну агьам­сса душиву хIисавравун лавсун, депутатнал махъ буллунни му масъала щаллу бансса.
Хъунзахъиял райондалиясса Очло тIисса шяраваллил бакIчи увкIун ия газ буцаврил масъалалул чIарав бацIияра тIий. Аьвдулмажид МахIрамовлул цала бакIрайн лавсунни Хъунза­хъиял райондалул бакIчинащал архIал мунил хIакъираву чаранну лякъинсса.
МахIачкъалалив ялапар хъанахъисса Аьбдулбари ХIабилов увкIун ия, цивппа ялапар хъанахъисса чIяру зивурду ду къат­рал капитал ремонт лахъи лаган дуллай бур тIий, аьрзирай. МахIрамовлул ва масъала ци сававрай лахъи лаган буллай буссарив кIул бан оьвкунни Да­гъусттаннал къатрал капитал ремонт дайсса фондрал директор МахIаммад Аьлиевлуйн. Аьлиевлул, хъирив ивзун, кIул банна увкунни. ДепутатначIан мукунма бувкIун бия ишбажаранчишиву хьхьичIуннай шаврил, къатта-къушлил шартIру къулай даврил, давурттал дузал баврил ва цаймигу масъаларттал хIакъираву кумаг баву тIалав дуллалисса агьали.