Жижара

ЯхIиянал душ Дибирова Жавагьи
Уттигъанну оьрмулул 65 шинаву, ахиратравун лавгунни уздансса лакку хъамитайпа, Гьущиннал ЯхIиянал ва Рукьижатлул душ Дибирова Жавагьи.

[dropcap]Б[/dropcap]увну бур Жавагьи Гьущув 1952 шинал. Гиккува 4 класс къуртал бувну, МахIачкъалаллал дянивмур даражалул школагу бувккуну, гара шинал бувххун бур Москавлив заочнайну Тимирязевлул цIанийсса академиялувун, «консервирование пищевых продуктов» тIисса факультетрайн. Дугу-дуклай, зий бивкIссар обкомрал столовайлий шеф-поварну. Яла, дуниял даххана хьуну махъ, оьрмулул махъва-махъсса гьантрайннин зий буссия цила тIивтIусса недвижимостьрал агентствалий.
Жавагьи бия хъинну хIарачат бусса, аьркиннан ка-кумаг буван, чIарав бацIан хIадурсса, инсантуращал хIал бавкьусса, хасиятрал иминсса, дугърисса хъамитайпа. ХIайп, оьсса цIуцIаврища ххассал хьун къавхьунни.
Жавагьи аьпалул шаврил хъуннасса кьурчIишивугу кIи­дачIлай, жижара буллай буру ласнахь, арсваврахь, душнихь, арсваврал хъаннихь, уссихь, ссурваврахь ва махъсса цинявппагу гъан-маччанахь.
Цил гьав нурданул дуцIиннав, Пирдавс алжан нясив баннав. Махънал оьрмурдай барачат бишиннав.

Гьущиннал,
Хъурхърал жямат


Юсуплул арс Дибиров Мажид
Вай гьантрай жагьилсса оьр­мулий дунияллия лавгунни Юсуп­лул арс Дибиров Мажид.

[dropcap]М[/dropcap]ажид увну ур 1970 шинал. МахIачкъалаллал 38-мур гимназиягу къуртал бувну, увххун ур автоххуллурдал техникумравун. Техникум къуртал бувну махъ зий ивкIун ур Москавлив транспортрал управлениялий.
Дагъусттаннайн зана хьуну махъ ва зий ия МахIачкъалаллал таксопаркрай. Мажид ия дакI хъинсса, аьмал-хIал бавкьусса жагьил, ххаллилсса арс ва аякьа дусса ппу. Ххирасса ия дус­туран ва архIал зузиминнан. Ванал махъ ливчIунни аьзизсса нину, кулпат, кIива оьрчI.
Мажид аьпалул шаврил кьурчIишиву кIидачIлай, жижара буллай буру ниттихь, кулпатрахь, оьрчIахь, махъсса гъан-маччанахь. РухI алжаннул ххари даннав, гьав нурданул дуцIиннав.
Ванан къабуллусса оьрму ванал оьрчIан, гъан-маччанан булуннав.

Ккурккуллал жямат