ЦIусса азархана МахIачкъалалив

[dropcap]Я[/dropcap]нварь зурул 15-нний Дагъусттаннал муфтий щайх АхIмад Аьбдуллаевгу гьурттуну хьунни МахIачкъалалив цIусса азархана тIитIлатIисса шадлугъ. Муфтиятрал сипталийну, хIарачатрайну ва харжирайну Сепаратор поселокрай був­сса ва медициналул идара хъанахъиссар шагьрулул шамилчинмур азарханану.


П. Рамазанова
[dropcap]Ш[/dropcap]адлугърай гьуртту хьунни динийсса идарарттащал зузисса комитетрал хъунама МахIаммад АьвдурахIманов, ФОМС- рал директор МахIаммад Сулайманов, цIуллушиву дуруччаврил министр­нал цалчинма хъиривчу Файзуллагь ХIабибуллаев ва цаймигу къуллугъчитал. Муфтийнал бувсунни, даву канилух дурксса, ххуйсса хIакинтурайнгу зун оьвкуну, ччясса чIумул мутталий азарханалул даву лахъсса даражалийн гьаз дуван дакIний бушиву. МахIаммад Сулаймановлул кIицI лавгунни гьарца аьркинмунил дузалсса, ххуйсса азархана бувну бушиву, шагьрулул агьлу уттива азарханалия рязину бушиву. Хъунама хIакин Мариян СаидхIусайновал азарханалул циняв корпусру ккаккан бунни хъамаллуран, бувсунни ттизаманнул тIалавшиндарайсса медициналул оборудованиялул дузалну бушиву цинявгу корпусру ва къашайшалт уква хъин буллантIишиву. Азарханалий бур шанма отделение: хирургиялул, терапиялул ва гинекологиялул. 120 инсаннансса кIану бур стационарданий. Азарханалул цилва поликлиникагу бур.