[dropcap]В[/dropcap]иваллил иширттал министерствалул Информациялул центрданул къайгъурдавасса ца бур инвалидтуран ва бюхъу-хъит чансса инсантуран паччахIлугърал хIаллихшиннарду даву. Вайннал дуллай бур танмихIрайн кIункIу къааврил хIакъиравусса, политикалул репрессиярттахьхьун биривминнал реабилитациялул хIакъиравусса ва архиврал справкарду, бишлай бур штамп (апостиль) Аьрасатнал дазул кьатIув нанисса документирттай.
Бюхъу-хъит чансса инсантураща цанна хIаллихшиннарду дайсса кIанттурдайн бучIан хьуншиврул, МВД-лул къатравун буххайсса кIанттурдай дирхьуну дур пандусру, бур Центрданул зузалтрайн оьвчайсса кнопкартту. Министерствалул администрациялул къатрачIа личIи бувну бур мушакъатсса ва бюхъу чансса инсантурал машинартту бацIан бансса кIанттурду.
Чаннал ва чIунил мушакъатшиву дусса инсантуран паччахIлугърал хIаллихшиннарду даву мурадрай Информациялул центрданул зузалтрал дахIаву дурну дур ВОС-рал (Всероссийское общество слепых) ва ВОГ-рал (Всероссийское общество глухих) региондалул отделениярттащал.
Агьали кьамул байсса залдануву бишин хIадур бувну бур лишаннай чивчусса паччахIлугърал хIаллихшиннарду даврил хIакъиравусса текст. Икьрал дурну дур чIу къабаяйсса инсантал бувкIсса чIумал аьркин агьлагьисса сурдопереводчикнащал.
Аьркин багьсса чIумал кIантту-кIанттурдайсса информациялул центрданул зузалт инвалидначIан бувкIун дуллай бур паччахIлугърал хIаллихшиннарду.
ПаччахIлугърал хIаллихшиннарду даврил хIакъираву цIухху-бусу бан бюхъайссар вай телефоннавух: 8(8722) 99-48-99, 98-49-00, 98-47-99; 8(8722) 99-44-15, 99-46-35.
Дагъусттаннал МВД-лул
Информациялул центр
ХIадур бувссар
А. Аьбдуллаевал
