[dropcap]Ш[/dropcap]агьрулия зунттаву­сса шяравун увкIсса чIаважагьилнал оьрмулиясса, «Усттартурал шяравалу» тIисса, мультсериалдануха зий бусса бур «Уттавасса махъ» тIисса идара.

П. Рамазанова
[dropcap]В[/dropcap]а идаралул Аьрасатнал президентнал грант ларсун дур, ми 2,1 миллион арцул харж бувантIий бур хIакьсса ххазинарттая бусласисса мультфильм итадакьин. Ва проектраха зузисса ва «Альтрус» тIисса анимациялул студиялий каялувшиву дуллалисса Руслан Салимагаевлул бувсунни 3 серия ялун нанисса 2018 шинал итадакьин хIадур хъанай бушиву. «Мультсериал хIадур дувансса пикри жул 4 шинал хьхьичIва буссия. Амма тани арцу дакъая жучIа, итадакьайхту, ва мультфильм Дагъус­ттаннал сайки циняв школарттай ккаккан дувантIиссар», — тIий ур Р. Салимагаев. Сериалданул сюжет хIакьинусса оьрмулиясса дур: шагьрулий увсса, хъуна хъана­хъисса чIаважагьил зунттал шяраву яхъанахъисса маччахъачIан увкIун, смартфонну, планшетругу шагьрулийра кьадиртун, зунттал тIабиаьтрал хIикматирттая неъмат ласлай яхъанантIий ур. Зунттаву ва кIул хъанай ур цанма чIявусса зат­ру лахьхьин бувантIисса аькьил­нащал. Ишру ца шяраву хъанарчагу, ва шяраваллил лагрулий щалвагу Дагъусттан ккаккан бувантIий бур. ЦIанакул ци мяъна мурадрай ккаккан дуллалиссариврагу къакIулсса мультикирттал хьхьириву, дагъусттаннал этнос, тIабиаьт, аьдатру ва культура ядуван оьвтIутIисса ва мультик оьрчIал ва нитти-буттахъал барчаллагьрай кьамул дуванссар тIисса тамахI бур автортуран.