Уттигу ххувшаврищал зана хьунни

Шинал ахирданий Ухссавнил Ккавкказуллал федерал округрай хьусса самболул чемпионатрай хьхьичIунсса кIану бувгьунни ЦIуссалакрал райондалул 1-мур спортшколалул командалул. Махъсса шиннардий ЦIуссалакрал райондалул 1-мур ДЮСШ-рал спортсментурал хъунмасса хIарачат бувссар Республикалул цачIун дур командалул хIасиллу хьхьичIуннай давриву.


Шикку ххув хьусса оьрчIру гьуртту хьунтIиссар 2018 шинал март зурул байбихьулий Хабаровск шагьрулий хьунтIисса Аьрасатнал чемпионатрай.
52 кило кIушиврул думи спортсментураву цалчинсса кIану бувгьунни Джахар Имурзаевлул, 57 кило кIушиврул думи спортсментураву кIилчинмур кIану бувгьунни Аьбдул Шагьмандаровлул. Вайннал кIинналлагу биттур дунни «Аьрасатнал спортрал мастернал» цIанил тIалавшиннарду ва ми кьамул бунни СКФО-рал командалувун.
Мукунма ва чемпионатрай самболул ххуйсса хIасиллу дунни ЦIуссалакрал ДЮСШ-рал цаймигу спортсментурал: ХIажи­махIаммадов ХIусайнханнул, ХIамзатов Илияслул, ХIамзатов Исламлул, ХIабиев ХIаммадал ва Кьурбанов Сайпуллал.
Чемпинатрай гьуртту хьусса спорстментал хIадур буллай, вайннащал зий бур лавайсса категориялул тренертал – Герман Муслимов ва Сергей Аьлимов.
ТIайлабацIу баннав Аьрасатнал чемпионатрайгу ххувшаву ласун.

ХIадур бувссар
Имара Саидовал