В.В. Путиннул Пресс-конференция

Декабрьданул 14-нний Москавлив 12 ссятраву дайдирхьунни Аьрасатнал Федерациялул Президент В.В. Путиннул пресс-конференция.

ХIасан Аьдилов
Гьашину В. Путиннул пресс-конференциялийн бивтун бур, цайми шиннардих бурувгун, чIявусса журналистътал – 1640 инсан. ЧIявуми журналистътал бур Аьрасатнал ва мунил регионнал СМИ-лул вакилтал.
Владимир Путиннул бусаврийн бувну, мунал цащалла чIярусса материаллу ларсун увкIун ур пресс-конференциялийн, ми дур хъунмурчIин билаятрал социал-экономикалул тагьарданул ккаккиярттаясса материаллу.
«Вай материаллу на ттущалла ласав, агарда журналистътурал ттухьхьунма социал-экономикалул хIакъиравусса суаллу булларча, жаваб дулун хIадурну икIаншиврул», — увкунни Аьрасатнал Президентнал.
Президентнал пикрилий, хъинну хьунссия гьашинусса пресс-конференция тIайланна суаллая ва жавабирттая дайдиширча, цанчирча, хьхьичIми шиннардийсса пресс-конференциярттайнияр, гьашинумуний журналистътал чIявусса бур, миннал суаллахгу вичIи дирхьуну, жавабру дулунгу аьркинни.
Владимир Путиннухьхьун буллусса суаллалгу, дуллусса жавабиртталгу хIакъиравугу жу бусанну гьарза-гьартану хъиривмур номерданий.

­