Мугъаятну бикIияра цIарая

Инсантурал къатраву, квартирардаву цIу ларчIсса ишру чIявусса хъанай бур.

[dropcap]Ц[/dropcap]Iарая хъунмасса зарал биллай бур инсантурал къатта-къушлин, хъуслин. Ччувччуну, бугъ хьуну литIлай бур инсантал.
ЦIу ларчIсса ишру чIявучин хъанай бур мюрщи оьрчIал биччиба­къашиву, цIу лачIунсса кIанттурдай пIапIрус учаву, пачру, газру лахълахъийни, токрайсса приборду дихьлахьийни ягу ишла дуллалийни цIарая мюхчан шаврил тIалавшиннарду къадуруччаву сававну. ЦIу лачIлай дур мукунна къат­рал чIарав бивчусса къавтIирдая, ччурччусса ччюрклия цIу дагьну. Хъуннасса нигьачIаву дур цIу ла­хъан дан бензин, ацетон, растворителлу ишла даврия.
КIинттул чIумал къатрацIух цIу лачIаврил хъунмур багьана хъанай бур къатри гъили байсса системар­тту ва конструкцияртту саргъунну дакъашиву, пачру ччяни цIу ласайсса затирттачIан гъанну бишаву. ЦIараяту бурувччуну бикIаншиврул къатри гъили бан лахъайсса оборудование сант кIулсса пишакартурал дишин бан аьркинссар. Му бакъа­ссагу, гьарица шинах пишакартурал ялтту бувккун ххал дан аьркинссар саргъунну зий дурив къатри гъили байсса система. Ххал бан аьркин­ссар тIаннул пачру, каминну, пачлил турбарду ва пуркIу буккайсса ккутIру. ЧIун-чIумуй марцI дан аьркинссар бойлерду, пачру, щин гъили дайсса чагру, пачлил турбарду ва пуркIу буккайсса ккутIру.
Каминдалул хьхьичI бишин аьркинссар пюрундалул ягу му­ххал экран, цIарал пиягь мебельданийн ягу бартбисулийн къабагьан. ЦукунчIав къабучIиссар къатта кIалашрай гъили буллан. КIалашрал бугълил инсан ивчIан ан бюхъай­ссар.
Уттубишиннин ххал буван аьркинссар каминдалувусса цIу лерщун дурив.
ЦIу ларчIсса иширттал хIакъи-хIисав дуллалийни, чIалай бур ми ишру хъунмурчIин токрайсса приборду тIайла дакъа ишла дуллай тIий, ми приборду, ягу токрал ххаллу саргъунну дакъа тIий хъанай бушиву. Хъунмасса хIаллай лавхъсса токрай пачлил спираль 600-700 градусрайн бияннин, чIан – 250-300 градусрайн дияннин кIири лагайссар. Токрай пач бивхьу­сса кIанттурдацIух — полдануцIух, столдануцIух цIу лачIун бюхъай­ссар. Щин гъили дайсса прибордая ми дирхьусса кIанттурдацIух щин дуркьун 15-20 минут шайхту цIу лачIун бюхъайссар. 600 вольтрал гуж бусса токрай чайникирдая цIу лачIун бюхъай­ссар щин дуркьун 3 минутI шайхту. Къатри гъили бай­сса токрайсса приборду ласласийни, цайнура цирда лещайми ларсун хъинссар. Лахъай­сса прибордал лагма-ялтту гьарташиву дикIан аьркинссар. Ми цирдагу ччяни цIу ласайсса затирттая, масала, занавескардая, шану-кIараллая, мебельдания 1 метралул дунугу архну дикIан аьркинссар. ОьрчIан, хаснува кIукIлусса янна ларххун бухьурча, цукунчIав къабучIиссар пачличIан гъан хьун. Ишла дарча хъинссар сертификация дурурччусса приборду. КъабучIиссар токрай ла­хъайсса пачру ваннайлуву ягу цайми щин щун бюхъайсса кIанттурдай бишин. Токрал пачру лещан аьркинссар кьатIув бу­ккайни, уттубишайни. Ишла дуллан къабучIиссар саргъун дакъасса розеткартту, къабучIиссар мукунма ца розеткалувун кIира-шанна прибор дучIан. Ххаллу кIири ларгун, замыкание хьун бюхъайссар. Спичкарду ва зажигалкарду оьрчIахьхьун къадирияйсса кIанай дишин аьркинссар. Бурувччуну бикIияра цIарая. Учала буссар, къатлувун цурку уххан ивтун хъинссар, цIу лачIун ритаяр тIисса. Ца къахьунмур хьурча, оьвчияра сотовый телефондалия 101 номерданийн.
МЧС-рал Агьаммур управлениялул Дагъусттаннайсса вихшалдарал телефон: 8 (8722) 399999.
МЧС-рал агьаммур управлениялул 1-мур Ялув бацIаврил ва профилактикалул даврил отделданул хъунама
инспектор М.А. Амиров

ХIадур бувссар
А. Аьбдуллаевал