[dropcap]Л[/dropcap]акрал райондалул кулпатран ва оьрчIан социал кумаг баврил центрданий шадлугърал даражалий хьунни «Ниттихъал байран»

[dropcap]Ц[/dropcap]ири дусса дунияллий ниттил ляхъан къадурсса, цири ниттияр ххуйссагу, ххаллилссагу, ххирассагу, ттюнгъассагу, цIимилийссагу, ссавурданийссагу дусса? Цимил учирчангу, яла бюхттулмур цIанин лайкьмур нину дур.
ЦСОН-далул директор Шурпаев Шяпи ХIажиаттал арснал, ххаллилсса мажлисгу тIивтIуну, барча дуруна байран, чIа увкуна цинявннан цIуллушиву, кулпатирттаву талихI ва тирхханну.
Байрандалийн бувкIун бия оьрчIал ниттихъул, учительтал ва хъамал. Ниттихъал кьинилун хас бувну «Мусил ссут» сценка хIадур бувну бия Гъумучиял 7-мур класс­рал дуклаки оьрчIал ва ЦСОН-далул зузалтрал. Бувуна ниттихъал ва оьрчIал бяст-ччаллийсса тIуркIу, бувчIуна ссигъри, увкуна балайрду, бивзуна къавтIун. Кулпатрал ва оьрчIал отделданул хъунмур Индира АхIмадовал барчаллагь увкуна ва даву дурминнахь, дарчIуна оьрчIайх нацIу-кьацIу.
Школданул завуч Асият Абумуслимовналгу барчаллагь увкуна дуклаки оьрчIахьгу, ЦСОН-далул зузалтрахьгу ххаллилсса дялахърулухлу.

З. Тахакьаева