[dropcap]У[/dropcap]ттигъанну МахIачкъалалив, Г. ХIасановлул цIанийсса Музыкалул училищалий, республикалул оьрчIал искусствалул школарттайнзаназиминнал дянивхьунни музыкалул ва теориялул,музыкалул ва тарихрал дисциплинарттал олимпиада.
Бадрижамал Аьлиева
[dropcap]М[/dropcap]унивух гьуртту хьунни МахIачкъала шагьрулул музыкалул школарттайн заназисса чIава музыкантътал, мукунма – Дарбантлиясса, Буйнакскалиясса, Каспийскалиясса, Бабаюртлиясса, Гъумучатусса, Богатыревкалиясса дуклаки оьрчIру.
Олимпиада сакин хьуну дия кIива бутIуя: 1) музыкалул литературалул викторина, цийгу чил билаятирттал ва оьруснал композитортурал-классиктурал произведениярттайн багьайсса ва консерваториярттаву лахьхьайсса музыкалийн багьайсса суаллу бусса; 2) презентация: мунил лагрулий оьрчIал ккаккан дунни дагъусттаннал, оьруснал ва чил билаятирттал композитортурал, музыкантътурал суратру, видеозаписьру, бувсунни миннал творчествалул ххуллурдая.
Цинявппагу оьрчIру ххуйну хIадур хьуну бия ва олимпиадалийн.
Цалчинсса кIанттурду бувгьунни 7 гьурттучинал: Тамирлан ЯхIияев (ш. Дарбант), Саида Аьлиева, Динара Аьлирзаева, Нинель Мажидова (ш. МахIачкъала), Мариян Ибавова (Богатыревка), Заира ХIасанова (ш. Бабаюрт), Ума ХIажиева (ш. Буйнакск).
КIилчинсса кIанттурду бувгьунни Каспийскалиясса Заира ХIажисуллаевал, Богатыревкалиясса Айтатув Ибавовал.
Шамилчинсса кIанттурду бувгьунни Гъумучатусса Соня Буттаевал, Дарбантлиясса Надежда Гуринал ва МахIачкъалалиясса Физула Исмяиловал.
Ца-кIива махъ жулва лакку душния. Шарапуттиннул ва Каминатлул душ Буттаева Соня дуклай бур Гъумучиял дянивмур даражалул школалий 8-мур классраву, дуклайгу бур марцIсса ххювардай. Мариян Дандамаевал цIанийсса Гъумучиял оьрчIал искусствалул школалий Соня занай бур фортепианолул отделениялийн (дарсдихьу ЧIивиев Нурислан), мукунма занай бур къавтIавурттайн, бур балай учаврил гьунаргу. ЦIанасса чIумал Соня хIадур хъанай бур ялун нанисса шинал март зуруй хьунтIисса конкурсрайн. Ва ххуллухмур ххувшавугу барча дуллай, чIа учинну Сонян цIу-цIусса хьхьичIуннайшивуртту.
