Электрон сертификация зузи дуллан най бур

Вай гьантрай «Дагестанская правда» кказитрал редакциялий хьунни ДР-лул Россельхознадзорданул, ДР-лулХъуслил министерствалул, ДР-лул ЦIуллушиву дуруччаврил министерствалул, ДР-лул Дуккаврил ва элмулул министерствалул ва Ветеринариялул комитетрал вакилтал гьурттусса «ккуркки стол». Муний ххал бивгьунни республика чара бакъасса электрон ветеринариялул сертификациялийн дучIан хIадур шаврил масъалартту.

ХIасан Аьдилов
[dropcap]К[/dropcap]онференциялий гьуртту хьуминнал бусаврийн бувну, ялун нанисса шинал январьданул 1-нния махъ ризкьилул цинярда сурсат­ру (дикI, нис, накI, барт, ккурккимайртту ва цаймигу) дузал дурну дикIан аьркинссар электрон ветеринариялул сертификатирттал «Меркурий» тIисса паччахIлугърал информациярттал системалий. Муний чIалантIиссар ми дукиялул сурсатру ча дучIан дурну дуссарив ва цумур ттучандалийн дирну дуссарив.
Шяраваллил хозяйствалул дукиялул сурсатру даххайсса базаллуву низам лиян дуллалисса ишбажаранчитурал маша къабулланшиврул ва дукиялул сурсатру ххуй-оьккишиврул чулуха нигьачIаву дакъасса дикIаншиврул, гайннуяту­сса щалла информация «Меркурий» программалий лякъинтIиссар.
Конференциялий гьуртту хьуминнал мукунма бувсунни му системалий зун аьркинну бушиву сурсатру даххайминнаяр ххишала ми ишла дуллалимигу – социал идарартту: школарду, оьрчIал садикру, азарханарду, интернатру ва цаймигу.