Барча буллай буру

[dropcap]Н[/dropcap]оябрь зурул 27-нний оьр­мулул 85 шин бартларгунни лак­рал жяматран бусравсса, 40-нния лирчусса шиннардий Лак­рал радиолул редакторну зий хъунмасса захIмат бивхьусса,ДР-лул культуралул лайкь хьу­сса зузала, СССР-данул телевидениялул ва радиовещаниялул отличник Гъаза Гъазаевлун.

ДакIнихтуну барча тIий буру Гъаза Садикьовичлухь оьр­­мулул юбилей.
ЧIа тIий буру цIуллу-цIакь­шиву, ххари-хъинши­вуртту!
ОьрчIалгу, миннал оьрчIалгу ххари уллай, оьрмулия щалихханнин итаннав ина!
Дустал, гьалмахтал


ДакIнихтуну барча дуллай буру ЧIурттащатусса ТIагьирдул арс Аьлишаев ­Аьппас ниттил увсса ххари­сса кьини.
ЧIа тIий буру цIуллушиву, ужагърай буллугъшиву, дакIниву дугъришиву. Итаннав ина вила кулпатрал, оьрчIал, миннал оьрчIал ххари уллай чIярусса шиннардий. Яаннав ина Заннал винагу, жунгу.

Вин хъиншивуртту чIа тIий, виха дуаьлийсса дустал, гьалмахтал, гъан-маччами


«Нину – бивтсса баргъри, гьарцаннал къатлуву лавхъсса чирахъри»

[dropcap]Д[/dropcap]акIнихтуну барча дуллай бура цинявппагу ни­ттихъахь Ниттихъал кьини! ЧIа тIий бура зун цIакьсса цIуллушиву, бакIраву аькьлу, зула дакIурдивусса пикрирду, анавар къабувккун, ссавур дурну, щаллу бансса кьудрат!
Зу Заннан такIуйвагу хъамакъабитаннав, я Аллагь! Зуйн къабитансса баргъ зун­ттуха къабукканнав! Зу буллалисса захIматран такIуйвагу къахьунтIиссар кьимат бищун. Зун зула оьрчIал дард къакка­кканнав!
ЦIуну ялун нанисса шинал зул гьарцаннал къатраву барачат ххи хьуннав, дакIниймур бартлаганнав!

Бадиржигьан Рамазанова,
ш. ЧIяйми