АпатIрая буруччиннав

[dropcap]Н[/dropcap]оябрь зурул 17-нний Хасавюртуллал райондалийсса Эндирей шяраву инсантал ялапар хъанахъисса къатраву пIякь увкунни газ. Ва ишираву ца инсаннайн щавурду дирунни.

ЦIанасса чIумал ва Хасавюртуллал азарханалул ччувччуми уттубишин байсса отделениялий ур. Къатри дачIи лекьа-пIякьу хьуну дур.
ДР-лул Виваллил ишир­ттал министерство баян буллай бур, кIинттул, пачру лахълахъи­сса чIумал, къатраву газ пIякь увкусса ва инсантал угар газрал загьрулул бувсса ишру чIявусса хъанай бушиву. Махъсса ппур­ттуву мукунсса ххюва иш хьуну бур. АпатI хьусса 8 инсанная так ца сагъну ливчIун ур. Укун­сса ишру хъанай бур, къатта гъили бан лахъайсса чагру ва гьава кIункIу байсса вентиляцияртту тIайла дакъа дирхьуну душиврийн бувну.
Тавакъю буллай буру республикалул агьалинахь! Зувагу, зула гъанмигу мюхчан баву мурадрай, къатта гъили бан ла­хъайсса чагру тIайлану, аьркин­сса кьяйдалий бишияра.
МВД-лул пресс-служба

ХIадур бувссар
А. Аьбдуллаевал