[dropcap]Я[/dropcap]лагу министр ДР-лул ХIукуматрал Председательнал кIанайма Аьбдуссамад ХIамидовлущал архIал бивунни «Республикалул дуккаврил центр» ГБОУ-лийн, кIул хьунни мунил давурттащал, хьунабавкьунни педагогтуращал. Яла бивунни ДГУ-лийн, ДГТУ-лийн, ДГПУ-лийн.
Аьрасатнал министрнащал архIал бивзунни ДР-лул ХIукуматрал Председательнал хъиривчунал кIанаймур Екатерина Толстикова, ДР-лул дуккаврил ва элмулул министр Шагьаьппас Шагьов ва цаймигу къуллугъчитал

---

[dropcap]Н[/dropcap]оябрьданул 22-нний МахIач­къалалив «Дусшиврул къат­луву» Дагъусттаннал БакIчинал кIанайма Владимир Васильевлул ва Аьрасатнал дуккаврил ва элмулул министр Ольга Васильевал каялувшиврулу­сса батIаву хьунни. Муний ххал бивгьунни региондалий дуккаврил даража лавай баврил ва мукунма АьФ-лул Дуккаврил ва элмулул министерствалул паччахIлугърал программалувух гьуртту шаврил масъалартту.
Владимир Васильевлул бусаврийн бувну, Дагъусттаннай бувну бур оьрчIан цIусса садикру ва яслирду, школартту, аьчух дурну дур ЕГЭ дулаву, амма мунийну гьашиву дуван къааьркинссар. «Дуккаву – му, махъ бакъа, приоритетри, мунийн хъар хъана­хъиссар Дагъусттаннал ялун бучIантIимур», — увкунни мунал.
Ольга Васильевал бувсунни махъсса шиннардий Дагъусттаннал дуккаврил система хъин чулийннай даххана хьуну душиву. Да­гъусттаннал школартту гьуртту хъанай бушиву АьФ-лул Дуккаврил ва элмулул цинярда программарттавух, яла гъансса чIумул му­тталий чулийн буккан бан тIий бушиву уттигу 7 школа.
БатIаврий ххал бивгьунни дуккаврил иширттал хIакъиравусса цаймигу масъалартту.

ХIадур бувссар ХI. Аьдиловлул