«Дагъусттан» РИА-лий хьунни Дагъусттан Республикалул лайкь хьусса артист, Аьрасатнал Цалчинмур каналданий ккаккан дуллалисса «Голос» шоулул гьурттучи, «Аьрасатнал мусил чIу» тIисса цIанилусса дунияллул халкьуннал дянивсса конкурсрал Гран-приран лайкь хьусса Салим Алахяровлущалсса хьунабакьаву.
Бадрижамал Аьлиева
Цащаласса хьунабакьаврийн бувкIминнахь Салимлул бувсунни цува «Голос» проектрайн цукун агьссарив.
Ва цува увну ур Чачаннаву. 1992-ку шинал дяъви байбишайхту, вайннал кулпат бивзун бур Дарбантлив. Микку Салим дуклай ивкIун ур 7-мур классравун ияннин. Муния махъ вайннал кулпат бивзун бур МахIачкъалалив. Ца шинай Музыкалул училищалий дуклайгу ивкIун, Салим лавгун ур Москавлийнай ва тикку ялапар хъанай 14 шин хьуну дур ванал. Тийх къуртал бувну бур Музыкалул академия, менеджмент, продюсер шайсса курсру. ЦIанасса чIумал вардиш хъанай усса ур цIанихсса балайчи Любовь КазарновскаячIа, дунияллул халкьуннал дянивсса хъуннасса конкурсрайн хIадур хъанай.
«Голос» шоулиясса суаллан жавабру дуллай, Салимлул бувсунни:
— СахIналийн уккаву – му ххишала бакъа аварасса, дакI ват-ват тIисса мутта бикIай. СахIналийн увккун, вихва миллионну инсантурал буруглай бушиву кIулшилул лаласла
