Дагъусттаннал лачIунбуккултрал хьхьичIунсса кIанттурду бувгьунни

Ноябрьданул 18-19-нний Владиккавкказрай хьунни «Аланы» тIисса лачIун бу­ккаврил дунияллул халкьуннал дянивсса турнир. Дагъусттаннал лачIунбуккултрал ккаккан дунни яла ххуйми хIасиллу: цинярдагу дурххунни 9 медаль, миннувату – 4 мусил, 2 арцул ва 3 чарвитулсса.

Бяст-ччаллавух гьуртту хьунни 100-нная ливчусса ла­чIунбуккулт, миннавух бия Олимпий тIуркIурдай дунияллул ва Европанал чемпионатирттай ххув хьуми ва хьхьичIунсса кIанттурду бувгьуми.
Мусил медаллу ларсунни Исмяил Масукаевлул (61 кило), АхIмад ЧIакаевлул (65 кило), МахIаммад Кьурбанаьлиевлул (70 кило), Билял Маховлул (125 кило). Арцул медаллу дурххунни Завур Угуевлул (57 кило), Муршид МутIалибовлул (65 кило). Чарвитул медаллан лайкь хьунни Артем Гебеков (57 кило), Рустам Аьвдурашидов (61 кило), Расул Арсанаьлиев (70 кило).

ХIадур бувссар
ХIасан Аьдиловлул