[dropcap]Л[/dropcap]акрал райондалул шяраваллил хозяйствалул ва экономикалул управлениялул каялувчи Макьсуд Кьадиев, ГьунчIукьатIрал СПК-лул хъунама Сиражуттин Чавтараев, «Ватан» КФХ-лул хъунама Ризван Аьлиев

Зулайхат Тахакьаева
[dropcap]Л[/dropcap]авгсса бигьалагай гьантрай МахIачкъалалив хьусса республикалул шяраваллил хозяйствалул хъуслил ярмаркалий гьурттушинна дурунни Лак­рал райондалул СПК-рдалгу. Къутаннайсса ГьунчIукьатIрал СПК-лул ярмаркалий дирхьуну дия цIусса дикI, нис, ппиринж, накI. НакI (30 къ. литр) янил ляпI учиннин хъямала дуруна. Кьубиял СПК лавсун бувкIун бия машина бувцIусса ппиринж. Вай кIирагу хозяйствалул гьарца шинах бугьайссар ппиринж ва ххуйсса бакIлахъия ласай­ссар. Муштаритуран хъинну къулайну бахлай бия ппиринж, 3, 5, 10, 25 кило лагайсса кисригу хIадур бувну. ЧIартталмур СПК- лул бахлай бия къавахъ, нувщи, чIикIунтIа, къур, чимус. Лаккуйсса ТIулизуннал «Ватан» КФХ лавсун бувкIун бия кьаркьдикI, ккурккимайнтту. ЧIявуя жула хозяйстварттачIан гъан хъанахъимигу, маша буллалимигу.