Жижара

Амирханнул арс Ися Амирханов

[dropcap]С[/dropcap]ентябрь зуруй оьрмулул 82 шинаву аьпалул хьунни ххаллилсса лаккучу, хъинсса бутта, аякьа дусса гъанчу Къичурлухиял шяравасса Амирханнул арс Ися Амирханов.
[dropcap]И[/dropcap]ся увну ур 1935 шинал декабрь зурул 22-нний. Ванан 5 шин хьусса чIумал ливтIуну бур нину-ппу, Исягу, ванаяр чIивима уссугу цачIанма бувцуну бур буттауссил Нуруллагьлул. Хъуни хьуну бур мунал кулпатраву ЦIуссалакрал шяраву. Школагу тийх къуртал бувну, Ися увххун ур Донецкаллал машлул университетравун. Му къуртал бувну махъ МахIачкъалалив увкIун, зун ивкIун ур «Спорттовары» ттучандалул директорну. Мичча байбивхьуну бур Исял захIматрал ххуллу. Ми шиннардий бивзун бур ванал бавкьусса, нахIу-хIалимсса кулпатрал гьанугу. Даврийн ва даврия нанисса чIумал ккаклай, ванал ябавцIуну бур МахIачкъалаллал №13 школалий дуклакисса лакку душний. Ганин 17 шин хьуннингу авцIуну, цала тIул-тIабиаьтрайну ва аякьа-къулагъасрайну гагу, ганил нину-ппугу кIукIлу лаган бувну, бувцуну бур цанна эшкьи хьусса душ. Исялгу, Читтурдал шяравасса ПатIималгу дянив хьуну бур 3 душ. Ися бу­сса оьрмулий жаваблувсса, ххуй­сса къуллугъирттай зий ивкIун ур. Ва ивкIун ур ОРС-рал хъунаману, «Волна» ресторандалул директорну, экспортно-импортная базалий товароведну. Ися ивкIун ур цала даву кIулсса, зун гъира-гьавас бусса пишакар, бюхъу-бажар ххисса каялувчи. Ци къуллугърай ухьурчагу, цайнма тапшур бувмур лажин кIялану бартбигьайсса бивкIун бур, хIурматрай ивкIун ур архIал зузиминначIа.
Исян бишин-битан кIану бакъа ххирая цала душру, миннал оьрчIру. Ва ия уссур­ссуннах, цинявппа гъан-маччанах ччаву ду­сса, гьарнай дакI цIуцIисса гъанчу. Ххуйну чIарав ацIайва гъанчунал хъатIи-хъиншивурттай, бивкIу-буккурдай. ЦучIав хъамакъаивтун, барча байва циняв байраннащал, бувсса кьинирдащал. ДакIний личIансса бахшишру дурну, ххари байва ичIувамигу. Укунсса, цала захIматрайну хьу­сса, яхI-къирият дусса, дан-дитан кIулсса арамтал чIявусса хьунакъабакьай.
Ися аьпалул шаврил кьур­чIишиву кIидачIлай, жижара буллай буру душваврахь, миннал оьрчIахь, уссурссуннахь, махъсса гъан-маччанахь. Цал рухI алжаннул ххари даннав, имандалий лавгун лякъиннав.
ЦIуссалакрал райондалул жямат, дустал, гьалмахтал


Аьлил арс Дигьиев АьвдурахIман

[dropcap]У[/dropcap]ттигъанну, оьсса цIу­цIав­рища ххассал ан къавхьуну, оьрмулул 80 шинаву ахират­рал хьунни хIакьсса зунтталчу, захIматчи, инсаннал чIарав ацIан, ка-кумаг бан чялишсса дугърисса лаккучу, ГьукIурдал шяравасса Аьлил арс Дигьиев АьвдурахIман.

[dropcap]Ч[/dropcap]Iяву оьрчIру бусса уссал усттар Аьлил кулпатраву хъуна хьусса АьвдурахIмангу чIивину уна захIмат буллай вардиш хьуну ур. АьвдурахIман, шяраву 4 классгу къуртал бувну, МахIачкъалалив лавгун, дяхтта зий, хьхьувай дуклан ивкIссар. 1965 шинал кулпатгу бувну, УзбакIисттаннайн лавгссар. Хъунма хIал къабувну увкIун махъунай, уссал цехгу тIивтIуну, зий улувкьуна. Мунал дурсса усру хъинну бусраврай даххайва Къизилюртлив, Сулакьрай. Кару мусилсса ия, мунал каруннива дукъаккайсса давугу да­къая. Буттал кIану бувгьуну, циняв уссурссугу лащу-щаллу бунни. Цала 6 оьрчI, хъуни бувну, ду­ккин бувну, цала-цала къатрай бивтунни.
АьвдурахIман ккашилнал лякьагу, мякьнал кьакьаригу кIулсса ия, ванал чIявусса миски-гъаривнан кумаг бувссар.
АьвдурахIман аьпалул хьу­сса кьурчIишиву кIидачIлай, жижара буллай буру ванал кулпатрахь, оьрчIахь, уссурссуннахь, агьлу-авладрахь, махъсса цинявн­нахьвагу.
Цал гьав нурданул дуцIиннав. Алжаннул ххари аннав. Махънал оьрмурдай барачат бишиннав.
Амин.

Ххюлуссуннал
ва ГьукIурдал жямат


Хъуннасса кьурчIишиву кIидачIлай, жижара буллай буру Щам­ххаллул арс Давыдов Мирзахь, ванал ххирасса ссу
Пахай
аьпалул шаврийн бувну.
Цил гьав нурданул дуцIиннав. Алжаннул къапурду тIивтIуну лякъиннав. Махъминнал оьрмурдай барачат бишиннав. Амин.
Дагъусттаннал Чичултрал ккуран