Агьалинансса къулайшиннарду

Дагъусттаннал МФЦ-рдай ялу-ялун гьарза дуллай бур халкьуннал оьрму бигьа буллалисса электрон журалул хIаллихшиннарду. Ноябрь зурул 7-нния шихунмай байбивхьуну, машинарттал заллухъруннаща бюхъантIиссар МФЦ-дайхчIин электрон журалул ОСАГО полисру ласлан.

И. Саидова
Утти, МФЦ-рдайн бувкI­сса агьалинан, цинярда тIа­лавшиннардайн бувну, анавар­сса чIумуй, кьювкьу­сса багьлуй, ОСАГО полисру дуллантIий бур.
Страховка ласуншиврул, «Мои документы» офисирттайн бучIан аьркинссар паспортращал ва машиналул документир­ттащал. Автомашинартту страховат бан бюхъайссар машинартту бачин бансса ихтиярду ду­сса Аьра­сатнал цума-цагу гражданиннаща. Страховой полисрахсса арцугу дулун бюхъайссар МФЦ-рдал офисирттайн.


Машинарттал заллухъруннаща бюхъайссар шиккура цаймигу хIаллихшиннарду дузал дан. Масалдаран, шикку дулун бюхъайссар машинарттай дирхьусса аькIрахсса арцу, мукунма ласун бюхъайссар машинартту бачин бан ихтияр дусса удостоверенияртту. МФЦ-рдал офисирттайхчIин тIайла бу­ккан бюхъайссар сияхIрайн ла­хъан бансса газрал оборудованиярттал документру. Мукунма, шикку булун бюхъай­ссар машинарттай ГБО дишинсса ва машинарттал техникалул экспертизартту бансса аьрзри. МФЦ-лул цачIанма бувкIсса документру электрон журалий тIайла бу­ккайссар республикалул ГИБДД МВД-лийн. МФЦ-лул зузалтрал машинарттал заллухъруннайн гьан байссар цивппа сияхIрай бивхьушиву ва цумур чIумал транспортрал регистрация дан аьркинссарив бусласисса ча­гъарду.
Электрон журалул хIаллих­шиннарду ишла дуллалиминнан хъуннасса куклушиву хъанай дур, чIунгу харж къадурну, ичIува бунува, цалва мурад бартбигьин.