[dropcap]Н[/dropcap]оябрьданул 19-нний МахIачкъалалив хьунни Аьрасатнал чемпионатрал ирглийсса тIуркIу. Футболданул майданнив хьунадаркьунни «Анжи» ва Москавуллал «Локомотив» командартту.

Р. Къардашов
[dropcap]Т[/dropcap]урнирданул сияхIрай «Локомотив» команда дия цалчинмур ххуттай, «Анжи» тIурча – лувату кIилчинмуний.
Цалчинмур таймрай кIирагу командалул ца журалийсса тIуркIу ккаккан буллай бия. «Анжилул» гьужумчи Прудниковлул бакIрах бивщусса ттуп «Локомотив» командалул къапулул ялувмур ттурцIайн щуну, чIарах лавгун бивкIхьурчангу, кIирагу командалул гол бакьинсса кьудрат дянивсса дия. Амма, тIуркIулул бяличIаврил хьхьичI, «Анжилул» защитник Яковлевлуща гъалатI итххявххукун, «Локомотивраща» бювхъунни гол бакьин. Уссурвал Миранчуктурал «Анжилул» къапулул хьхьичI щуруй занази був­сса ттуп тIайла бувккунни муттаэтурал къапулувун. ТIуркIулул кIилчинмур таймрай командарттал хIарачат буллай бия цала чулухунмай бахттилул бутIа кIункIу бан. Амма тIуркIу къуртал хьунни 1:0 счетрайну.

«Анжи» — «Локомотив» 0:1
Гол: А. Миранчук
«Анжи»: Лория, Яковлев (Армаш, 88), Самарджич, Брызгалов, Полуяхтов, Бакаев, Тетрашвили (Кацаев, 63), Данченко, Гулиев, Хубулов (Эльмурзаев, 74), Прудников.
«Локомотив»: Коченков, Игнатьев, Квеквелия, Михалик (Тарасов, 88) Денисов, Коломейцев, Денисов, Фернандеш, А. Миранчук, Рыбус (Баринов, 58), А. Миранчук (Лысов, 90)
«Анжи» командалул хъиривмур тIуркIу хьунтIиссар «Ростов» командалущал ноябрьданул 26-нний.