Гуржиялгу ккалай буссар жула «Илчи» кказит

ЦIанихсса балайчи, музыкант, композитор Дато Кенчиашвилил Дагъусттаннай цалчинсса концертраясса материал «Фейсбукраву» «Илчи» кказитрал страницалий дурккун махъ тамансса гуржи жул подписчиктал хьунни. Миннавух буссар Датол нину, Лали Асатиани, ва дакI тIайласса дустал «Дустал» («Мегобреби») тIисса халкьуннал инструментирттал ансамбльданул музыкантътал.
[dropcap]Л[/dropcap]аргсса алхIаткьини МахIачкъалалив «Респаблик» банкетный залдануву хьунни вайннал концерт. Дато барчаллагьрай ия дагъусттаннал вичIидихьултрайн ва га кьини концертрайн бувкIсса тамашачитурайн, дакIнийхтуну хIурматрай кьамул аврихлу, цала творчество ххирашиврухлу. Датол творчество ххирар, так ца Ккавкказнал агьулданун дакъасса, щала дунияллийра. «Рамдени малодине» тIисса балайлул клип ютубраву хIакьинусса кьининин ххал дурну дур 15 миллиондалийн бияннин. Израилнавусса концертрайн бавтIун бур 10 азаруннийн бивсса тамашачитал. Хъунмасса хIурматрай кьамул увну ур Ираннай, Грециянаву ва цаймигу Европанал билаятирттай.
[dropcap]К[/dropcap]онцертрай Датол баян бунни ялун нанисса шинал Дагъусттаннай бан дакIнийсса цала проектрая – щалагу Ккавкказнавасса оьрчIал халкьуннал балайлул конкурс «Ккавкказнал чIу».
Дато Кенчиашвили так ца цува машгьур хьун ва авадан хьун хIарачатрайсса балайчи акъарча, цала халкьуннал магьирлугъ ядаврил буруккинттарай жагьилсса ник халкьуннал музыкалухух ва балайрдахух гьан дансса давуртту дуллалисса насихIатчигу ур. Му мурадрай сакин дурну дур халкьуннал инструментирттай руцаврил ва халкьуннал балайлул ансамбль «Таоба» («Ник»). Цувгу ччяни дунияллийх машгьур хьусса. Гьарца шинал гьуртту шайсса дур ва ансамбль Болгариянаву оьрчIал халкьуннал творчествалул конкурсирттай. Вана гьашину гъинттулгу Свято Влас, Бургас ва Поморие тIисса курортный шагьрурдай 10 гьантлий оьрчIругу бигьалаган бувну, хъунмасса тIайлабацIулущал концертругу ккаккан дурну, «Золотой Орфей» конкурсрал Гран-При, мусил медаль, [dropcap]Д[/dropcap]унияллул халкьуннал фольлорданул академиялул хасъсса бахшиш ва 5 номинациялул дипломругу лавсун зана хьуну бур. ТалихI бакъарив, цала халкьуннал культура ядаврил ва жагьилсса никирал ялун бучIантIимунил ялув дакI цIуцIисса насихIатчи миллатрал ушиву. Икрамчитурал чулухасса чIирисса къулагъасгума хъинну асар шайсса Дато барчаллагьрай ур «Илчи» кказитрал редакциялийн.
«Ккавкказнал цумурцагу миллатрал халкьуннал магьирлугърал ххазна лап аваданссар, дунияллун машгьур буллан лайкьссар. Буруччияра, хъирив наниминнан ябувара! Буруччияра зула маз», — укунсса лаизаву дурунни «Илчи» кказит буккултрайнгу.
Редакциялун пишкаш дурунни, къулбасращалсса, балайрдал диск.

[dropcap]მ[/dropcap]ომღერალმა, მუსიკოსმა, კომპოზიტორმა დათო კენჭიაშვილმა, ჩვენ გვქონდა მეგობრები და მეგობრები საქართველოდან. მათ შორისაა ერთგული და ერთგული მეგობრები დათო — მუსიკოსები ანსამბლ «მეგაობბი». მათ მადლობა გადავუხადეთ, რომ კავკასიაში ხალხებს შორის მეგობრობა პოლიტიკაზე არ არის დამოკიდებული. საქართველოსა და დაღესტანს ყოველთვის ჰქონდა მჭიდრო კავშირი მეცნიერებაში, ლიტერატურაში, თეატრში, სპორტში, ხელოვნებაში და ასე შემდეგ. ქართული ანდაზა ამბობს: «შენს კარი გაიღე და იპოვი სხვები.» ჩვენთვის ძვირფასო მეგობრებოდ ვიქნებით. ჩვენ გავაგრძელებთ მასალას დათო, მისი მეგობრები, მისი შვილების ანსამბლი და სხვა კულტურული ფიგურები ქართული თარგმანის თარგმანით. უახლოეს დღეებში ჩვენ გამოვაქვეყნებთ მასალას ჩვენი საყვარელი მომღერლის კონცერტის შესახებ. ველოდები ველოდებით ყველას — ნიშანი.

Зулайхат Тахакьаева