МахIачкъалалив хьунни «Мюнпатсса паччахIлугърал каялувшиву» тIисса приоритетсса проектран хасъсса батIаву

[dropcap]О[/dropcap]ктябрьданул 31-нний МахIачкъалалив хьунни «Мюнпатсса паччахIлугърал каялувшиву» тIисса ДР-лул приоритетсса проектрал хIакъираву Жяматийсса советрал цалчинсса батIаву. Му хьунни ХIукуматрал вице-премьер Екатерина Толстиковал каялувшиврулу.


ХIасан Аьдилов
[dropcap]М[/dropcap]унил бусаврийн бувну, ва приоритетсса проект хъанахъиссар циняв проектирдавату система сакин дуллали­сса ца проектну, цанчирча цуксса мюнпатну дузал дурну дурив каялувшиврул система (система управления), муксса ххуйну цалла давуртту бартдигьлан бюхъантIиссар республикалущагу, паччахIлугъращагу. «Гьашину проект дузрайн дуккан даврил масъалартту ххал бивгьу­ссар Халкьуннал Мажлисрай, депутатътурал цалвами пикрирду бувсун бивкIссар приоритетсса программа дузрайн ду­ккан даврил хъин-оьккишиврул хIакъираву. «Жяматийсса совет жу бавтIссар проект бартдигьлагьисса чIумал ялун личлачисса захIматсса масъалар­тту чулийн буккан баншиврул», — увкунни ганил.
«Агьалинан МФЦ-лийхчил хIаллихшинну дузал даву» тIисса приоритетсса проект дузрайн дуккан даврил хIакъираву ихтилат бунни МФЦ-лул директорнал хъиривмур Марина Вагьабовал. Мунил бусаврийн бувну, хIакьинусса кьини республикалий зий бур 57 МФЦ циняв муниципалитетирттай.
«Электроннал ХIукумат» тIисса проект дузрайн дуккан даврил хIакъираву ихтилат бунни ДР-лул Минтрансэнергосвязьрал электроннал хIукуматрал ва паччахIлугърал хIаллихшиннал управлениялул хъунама Аскандар МахIаммадовлул.
БатIаврий ххал бивгьунни мукунма «Мюнпатсса паччахIлугърал ва муниципал хъус ласавуртту», «Мюнпатсса зузалтрал политика»», «Муниципал НПА-рду законнал кьяйдардацIун бакьаву» тIисса ва цаймигу подпроектру дузрайн дуккан даврил хIакъиравусса масъалартту.
БатIаврил хIасиллайн чул бивщуну хIадур бунни цаппара маслихIатру. Советрал члентурал ми циняв ххал бигьинтIиссар цалла давурттал чIумал.