[dropcap]Н[/dropcap]оябрьданул 4-нний Аьрасатнаву дайссар Халкьуннал цашиврул кьинилул шадлугъру. 2017 шинал бигьалагай кьинину ккаккан дурну дур ноябрьданул 6-мур кьини.
[dropcap]В[/dropcap]а байран хъанахъиссар чIявусса миллатру бусса ва чIярусса динну дусса Аьрасатнаву ттуршрахъул шиннардий никирая никирайн нанисса аьдатирттал лишанну. Ванил дакIнийн бичлачиссар Ватандалул тархъаншиврухлусса ва цашиврухлусса талатавурттаву аьрасатлувтал цачIун шайсса бивкIсса жулва тарихравусса виричушиврул ишру.
Аьрасатнал миллатирттал цашиву, рувхIанийшиврул ва адав-мяърипатрал ххазинардайн дакI тIайлашиву, ватан ххирашиву хъанахъиссар жулла Ватандалул узданшиврул ва тIутIайх дичаврил гьануну.
Жунма цинявннан дакIний бикIан аьркинссар жулва тарих, хъамабитан къааьркинссар так циняв цачIун хьуну духлаган дуван бюхъантIишиву жулла хьхьичIсса захIматшивуртту.
ХIакьинусса кьини жулва хьхьичIсса масъалану хъанахъиссар кьимат бищун къашайсса ирс ябаву, жула билаят хьхьичIунмай хьун буллалаву.
ЧIа тIий ура зун цIакьсса цIуллушиву, дакьаву ва паракьатшиву, барачат ва узданшиву, тIайлабацIуртту ва хьхьичIуннайшивуртту Дагъусттаннал ва Аьрасатнал лайкьсса ялун бучIантIимунил цIаний!
Дагъусттан Республикалул БакIчинал кIанайма В. Васильев
Байрандалул тарих
Халкьуннал цашиврул кьини ккалли дурну дур килисалул ва паччахIлугърал байрандалун. Ва байран 2004 шинал тасттикь дурну диркIнугу, мунил мархри лавгун бур дянивми ттуршукурдавун. Рюриковичтурал паччахIлугърал ирсирал ахир дуркIсса чIумал, Аьрасатнаву дайдирхьуссар аварасса, питнардайсса чIунну. Та чIумал цIу дурккун диркIссар Лжедимитрий 1-нал, мунал баян бувну бивкIссар цува караматшиврий ххассал хьусса паччахIнал арс Дмитрий ушиву. Муния махъ Польшанал аьраллу бувххун, Аьрасатнал чIявусса улкри хъямала бувну бивкIссар. Му захIматсса тагьардануву бикIлил агьалинан багьссар ккаккан дуван цалла чувшиврул хасият. Ополчениялул кьюкьрал ххит буккан бувну бивкIссар Польшанал гарнизонну.
1612 шинал ноябрьданул 4-нний Польшанал аьралуннал бакIрайн лавсъссар цивппа бух хьушиву. Лжедмитрийл кьамул бувссар Польшанал вакилтал. Гьаман му Аьрасатнан хъуннасса мяъна дусса тарихран хас дурссар Халкьуннал цашиврул кьини.
2004 шинал ПаччахIлугърал Думалул цIу дуккан дурссар «Аьрасатнал ххувшавурттал кьинирдал хIакъиравусса» закон, муния хьуссар Халкьуннал цашиврул кьини.
2005 шинал Нижний Новгородрай тIиртIуссар, Москавлив куннасса, гьайкал Мининнун ва Пожарскийн. Москавлив ноябрьданул 4-нний президентнал тIутIив дишайссар му гьайкалдануцI.
ХIадур бувссар ХI. Аьдиловлул
