[dropcap]Н[/dropcap]оябрь зурул 15-нний МахIачкъалалив хьунни диндалул масъалартту ххал бигьлагьисса Дунияллул халкьуннал дянивсса элмийсса конференция: «Аьрасатнал бусурманнал аьдатрайсса рувхIанийссаххазина цIу буккан буваву, дунияллул глобализациялул шартIирдай бусурманналляличIишиву (идентичность) ядуваву» ва Дунияллул халкьуннал форум «Щайх Саэд Апаннинал рувхIанийсса ирс- ххазина». Конференция ва форум бунни Динийсса идарарттащал зузисса комитетрал ва республикалул муфтиятрал сипталийну, Республикалул ХIукуматралгу кабакьу бувну.
П. Рамазанова
[dropcap]М[/dropcap]уфтиятрал конференцияртту дувай залданувусса семинарданий гьуртту хьунни Аьрасатнал бусурманнал РувхIаний мажлисрал муфтий, Аьрасатнал Жяматийсса палаталул член Альбир Крганови, Тарихрал, этнологиялул ва археографиялул институтрал машрикьуллал канихчичрурдал фондрал хъунама Шамил Шихаьлиев, Троицк шагьрулул хъунама Александр Виноградов, Волгоградуллал бусурманнал рувхIанийсса дус-ихтиваршиврул хъунама, муфтий Кифах МухIаммад, тарихрал элмурдал доктор Юлий Гусев, Челябинскаллал областьрал вакил Дмитрий Семенев ва цаймигу бусравсса хъамал, Свердловскалиясса, Томскалиясса динчитал, аьлимтал.
Вара кьини элмийсса конференция хьунни Дусшиврул къатлувугу. Дайдирхьунни конференция ДР-лул ХIукуматрал председательнал хъиривчунал къуллугъ чIумуйну бартбигьлагьисса Рамазан Жяъпаровлул. Махъру лавхъунни Республикалул БакIчинал къуллугъ чIумуйну бартбигьлагьисса Владимир Васильевлул, сенатор Илияс Умахановлул, СКФО-лийсса Президентнал полпреднал кумагчи Алексей ХIасановлул, Аьрасатнал Президентнал виваллил политикалулсса буллалисса управлениялул динийсса идарарттащал зузисса департаментрал хъунаманал хъиривчу Алмаз Файзуллиннул, Ухссавнил Ккавкказуллал бусурманнал Координационный центрданул председатель Исмяил Бердиевлул, Дагъусттаннал муфтий АхIмад Аьбдуллаевлул. Ихтилатру бувна конференциялул лагрулий личIи- личIисса кIанттурдай хьусса 8 секциялул модератортуралгу.
