[dropcap]Х[/dropcap]ьхьирицIсса жула хъун шагьрулий гужсса марчру бищаву аьдатравун дагьсса тIабиаьтрал лишан дур. Марч сававну, шагьрулул кIичIирттаву кьатI шай мурхьру, багьай ттукIрал тталлу, руцай ххаллу, цIинцI дукьай къуллугъирттан хъамадиртсса ччюрк гьаз шай гьаваллавун.
З. АьбдурахIманова
[dropcap]В[/dropcap]ана вай гьантрай, арвахI кьини, 23 м/с бивщусса марч сававну, МахIачкъалаллал кIичIирттаву 12 мурхь, 2 ттукIрал ттала ва 2 хъунисса рекламалул ула дагьну дур.
Горзеленхозрал зузалтрал бусаврийну, сайки циняв кьатI хьусса мурхьру жагьилсса, мархри цIакьсса бивкIун бур. Мурчал гьарзат гьанагьи дурсса кьини шагьрулул цасса диспетчертурал къуллугърал телефоннайн халкь оьвтIий, чув ци бала хьуну буссарив бусласисса къабавцIуну бур.
Шагьрулул каялувшиндарал агьалинахьсса тавакъюгу бур, биччибакъулшиву къадурну, агарда зула-зула къатрал хьхьичI, кучардай, ххуллурдацI кьавкьсса, багьан хIадурсса мурхьру бухьурча, хасъсса къуллугърайн оьвкуну, нигьачIишиврия баян булувара.
