Самолетрал билетирттал багьри ялавай бунни

[dropcap]М[/dropcap]ахIачкъалалия Стамбуллайн агьали ххилаххисса авиакомпаниялул баян бунни самолетирттал кIинттулсса расписаниялийсса билетирттал багьри ялавай бувшиву, яни МахIачкъалалия Стамбуллайн ва махъунмай самолетрал билетрал багьа 8800 къурушран бацIлай бушиву.


И. Саидова
[dropcap]С[/dropcap]тамбуллайнсса рейсру дуллай бур Турциянал авиакомпаниялул нюжмардий шамийлла.
ДакIнийн бутан, МахIач­къалалия тIайланна Стамбуллайн самолетру лехлай дайдирхьуссар 2016 шинал апрель зуруя байбивхьуну.
МахIачкъалаллал аэропорт хIакьину Дагъусттаннай хъинну хьхьичIавасса, бувагу бусса ца авиапредприятие хъана­хъиссар.
ХIакьинусса кьини МахIач­къа­лаллал аэропортрай Аьрасатнал шагьрурдайн ссятрал мутталий лехлай ур 200 пассажир, дазул кьатIувсса билаятирттайнсса рейсирдайгу ссят­рал мутталий 60 пассажир лехлай ур.
2016 шинал февраль зуруя байбивхьуну аэропортрай буллай байбивхьуну бур 8000 квад­рат метра дусса, 190 пассажир ссятрал мутталий кьамул уван бюхъайсса цIусса терминал.
2017 шинал май зурул 3-нний МахIачкъалаллал аэропортра­хьхьун ихтияр дуллунни хъуни­сса салонну бусса Boeing -767-200, Boeing767-200ER, Boeing- 767-300, Boeing-767-300ER ва Airbus A-330-200 модификациярттал самолетру кьамул дуллансса. Май зурул 29-нний Москавлия пассажиртал бувцуну МахIачкъалаллал аэропортрайн цалчин дуркIунни UTair авикомпаниялул Boeing-767-200 модификациялул гьарта-гьарзасса самолет.
Гьарица кьини МахIач­къалаллал аэропортрая Москавлив лехлай дуссар 10-хъул самолетру, мукунна самолетру лехлай дуссар Санкт-Петербурграйн, Сургутрайн, Ростоврайн, Сочилийн ва Минводылийн, Къазахъисттаннайн, Турциянавун ва цаймигу билаятирттайн.