[dropcap]О[/dropcap]ктябрь зурул 28-29-нний Минводы шагьрулий хьунни каратэлул чемпионат. Ва чемпионатрай гьуртту хьуну, зана хьунни тренер-преподаватель Руслан ХIаммадовлул каялувшиндаралусса ЦIуссалакрал райондалул 1-мур ДЮСШ-лул спортсментурал команда.
[dropcap]Т[/dropcap]ихун лавгсса 10 спортсменнава 8-ннал бувгьунни цалчинми кIанттурду: 40 килорал кIушиврул данди буккавриву 1-мур кIану бувгьунни ХIаммадов Халидлул; 2-сса кIанттурду бувгьунни Абакаров Ссунгъурбаглул, Буттаев Хизрил ва АьвдурахIманов Ванатил; 3-мур кIану бувгьунни Оьмариев Шамиллул; кIушиврул 25 ккилорай данди буккавриву 3-ми кIанттурду бувгьунни Дауд ХIусниевлул, МахIаммад-Саэд ХIулиевлул ва Артур Ссамадовлул.
Ва первенствалий Аьрасатнал 15 региондалиясса 150-хъул спортсментурава жула жагьилтурал 8 цалчинсса кIанттурду бугьаву му пахру бан лайкьсса зат бур. Цинярда гьуртту хьусса командарттава ЦIуссалакрал райондалул командалун буллунни 2-мур кIану.
Шиккува личIи бунни Аьрасатнал чемпионатрай гьуртту хьунтIисса, 12 шинал оьрмулувусса чIава каратистътал: Халид ХIаммадов, Хизри Буттаев ва Ссунгъурбаг Абакаров.
ХIадур бувссар
И. Саидовал
