«Дагдизель» заводран 80 шин шаврил шадлугърай

[dropcap]Н[/dropcap]оябрьданул 10-нний ДР-лул БакIчинал кIанайсса Владимир Васильев ва «Единая Россия» ВПП-лул Лахъмур советрал председатель, «Тактическое ракетное вооружение» корпорациялул Директортурал советрал председатель Борис Грызловгьуртту хьунни Каспийскалий «Дагдизель» завод АО-ран 80 шин шаврил шадлугърай.

[dropcap]Ш[/dropcap]адлугърал батIаврий Владимир Васильевлул заводрал зузалтрахь барча кунни заводран 80 шин шаву.
«ХIакьину жува заводрай зузиминнал хIурмат буллай буру, бусраврай дакIнийн бичлай буру ДР-лий машиностроительный предприятиярттава ца хъунмурну хъанахъисса завод буллай бивкIми. Цила тарихраву заводран кIийлла дуллуссар Совет Союзрал ларайми даражалул наградартту. 2012 шинал мунил каялувчи хьуссар Раул Илиясов, мунал тамансса дахханашивуртту (модернизация) дур­ссар. ЦIанасса ппурттуву «Дагдизельданул» итадакьайссар Дагъусттаннал промышленностьрал дуккан даймунил 4 бутIул 1 бутIа ва ДР-лул промышленностьрал налогирттал 4 бутIул 1 бутIа, жул мурад бур зу анаварсса бущилий хьхьичIунмай хъанахъаву ва Дагъусттаннан муния мюнпат ххишала шаву. 2015 шинал завод бувхссар «Концерн «Морское подводное оружие Гидроприбор» ОАО-лувун. 2017 шиная шинмай заводравун кьамул буллай бур жагьилсса пишакартал цIусса кьай-кьуйлул щаллу бувсса цехраву зун», — увкунни Владимир Васильевлул.
Борис Грызловлул циняв аьра­сатлувтурал цIанияту барчаллагь увкунни заводрал зузалтрахь ва ми барча бунни «Дагдизель» заводран 80 шин шаврил юбилейращал.
Яла АьФ-лул Президентнал СКФО-райсса вакилнал аппарат­рал главный федеральный инспектор Василий Колесниковлул дурккунни Президентнал СКФО-райсса вакил Олег Беловенцевлул чулухатусса барча баврил адрес. Борис Грызловлул дурккунни АьФ-лул мюхчаншиврул министрнал цIаниятусса барча баврил адрес.
Муния махъ заводрал зузалтран дуллунни АьФ-лул ХIу­куматрал ва ДР-лул каялувчинал цIаниятусса медаллу, бахшишру, грамотартту ва цаймигу наградартту.
Ахирданий зузалтран кка­ккан дунни концертгу.