«СахIналул усттартурал бахшиш – дагъусттанлувтуран» тIисса проектрал лагрулий М. Горькийл цIанийсса Оьруснал драмалул театрданул артистътал занай бур республикалул шагьрурдайх ва районнайх пьесарду ккаккан буллай.
И. Саидова
[dropcap]Н[/dropcap]оябрь зурул 14-нний гуржиял сценарист Отиа Иоселианил пьесалийн бувну бивхьусса «Аьрава бакIракъунтталий дагьсса чIумал» тIисса, тамашачитуран ляличIину ххира хьусса, спектакль ккаккан бунни ЦIуссалакрал райондалий. Режиссер-постановщик ур АьФ-лул халкьуннал артист, АьФ-лул, ЧР-лул ва КБР-лул паччахIлугъирттал премиярттал лауреат Руслан Хакишев. Пьеса бур Богверадзихъал кулпатраясса. Бутта Агабо ур аьрщараха зун, захIмат буллан ххирасса, цала кулпатрах ва цинявппагу инсантурах ччаву дусса инсан.
ДР-лул чумуйнусса культуралул министр Зарема Буттаевал кIицI лавгунни шинал мутталий най диркIсса проект цIана республикалий хъинну тIалавну душиву.
Шиккува кIицI лаган, театрданул хъиривми аьрххирду бур Къизилюртуллал, Кьасумккантуллал, Къаяккантуллал районнайн ва Избербаш, Буйнакск шагьрурдайн.
