Террористурал ва экстремистурал идеологиялийн къарши бацIан

Ноябрь зурул 2-3-нний Дагъусттаннай хьунни «Идеология терроризма: пропаганда и контрпропаганда. Современные вызовы» цIанилусса регионнал дянивсса мукьилчинсса научно-практическая конференция. Гьарица шинах шайсса конференциялул сиптачитал хьунни ДР-лул Печатьрал ва информациялул министерство, мукунма Аьрасатнал национал антитеррористический комитет.

А. Аьбдуллаева
Конференциялул агьаммур мурад бия терроризмалул ва экстремизмалул идеологиялийн къарши бацIаврил опыт кIибачIаву. Шикку гьаз бунни альтернатив контент сакин баврил масъалагу. Гьашину­сса конференциялий цалчин гьуртту хьунни цайми билаятирттаясса экспертътал. Миннавух бия Израильнавасса, Туркнавасса, Сириянава­сса, мукунма Аьрасатнал 12 региондалиясса экспертътал.
— Террор – му стратегиялул журалийсса нигьачIавур. Агана террорданущал цила багьайкун къаталарча, жува хIасул дуллалиссару Исламрал хIукуматрал ягу цайми экстремистурал группардал террористуран хьхьичIунмай бачин­сса шартIру. Мунияту террор бирибат дан аьркинссар, — тIий ур Израильнал миллат мюхчан баврил Советрал бакIчи (2003-2005) генерал Узи Дагян.
Конференциялул давриву гьур­ттушинна дунни Аьрасатнал национал антитеррористический комитет­рал, Миллатирттал иширттал федерал агентствалул, АьФ-лул Жяматийсса палаталул, Дагъусттаннайсса АК-лул (Антитеррористическая комиссия), Дагъусттаннал ХIукуматрал вакилтурал.
Конференциялул лагрулий хьунни жяматийсса ишккакку ва политик Валерий Коровиннул «Имперский разговор. Империя, геополитика, идеология, традиция» тIисса луттирал презентация.
Хъирив хьунни Дагъусттаннайсса АК-лучIасса экспертный советрал заседание. Шикку ихтилат бунни ДР-лул печатьрал ва информациялул министр Рашид Акавовлул.
Конференциялул ва заседаниялул хIасиллайн бувну итабакьин тIий бур паччахIлугърал властьрал органнансса ва СМИ-дансса маслихIатру бусса луттирду.