ЦIуллу-сагъшивруцIунсса маслихIатру

Оь букьвану къахъинссар

* * *
Инфаркт, инсульт, тромбофлебит, варикозное расширение вен – вай цIуцIавуртту чIяруну шай оьрмулул бугьараминнай.Вайннун багьананугу хъанай бур букьвасса оь, мунияту бю­хъайссаксса ччяни шаймур буллан аьркинссар оьгу цила кьаралданий, туннурдугу марцIну личIаншиврул.

Цири бан аьркинсса оь тархъанну чурххавух зананшиврул?

ХIачIлачIияра чIярусса щин. Шинну наниссаксса, щинахсса мякь чан шайссар. Амма кIулну бикIияра – оьттуву тромбарду хьун къабитайсса яла гужмур зат щин душиву.

* * *
Канакияра оьтту хьюму бай­сса дуки-хIачIия: туртул (льняное) ва зайтундалул (оливковое) нагь, лаччи, чимус, лимон, пархтIутIи (семечки), чIикIунтIа, балугърал аьгъушиву, томатрал сок.
* * *
Махъаллил хьияра дикIул накьлия, хIадурнурасса кIурал дурсса (копченая) ккурккимайрттая (колбасы). Вайннул оь букьва байссар.
Туннурду лахIлай, кIукIлуну (эластичнайну) бикIаншиврул, бувара укунсса дарув:
— Миндальданул (бадандалул хъуварду) туннурду цIакь байссар, шиву оьрмулул бугьараминнан чара бакъа аьркинсса аминокислота – аргинин дуссар. Вайннул къюкI, туннурду буру­ччайссар зия шаврия. Гьантлун бувагу 10-15 миндальданул хъува канарча гьассар.
— Томатрал пасталуву буссар ликопин – антиоксидант, дурухлурдая инсан урувччуну итайсса. Цирда помидордугу хъинссар. Гьантлун 2 накьлил къуса томатрал, ягу томатрал сокрал ца-ца стакан гьантлун хIачIларча хъинссар.

Гриппрая ва аьвкъу-гъилишаврия

* * *
Чаннасса пивалул стакандалувун дутIияра лимондалул ца личIулува дуккан дурсса сок. Гара цIана, ххуйну хIалагу дурну, хIачIияра, ялун цIил къепгу бивчусса лухIисса ччатIул касакрахун ва лаччул ккарччухун.

* * *
Хъугьу тIий байбишайхтува, ца стакан накIливун щаран бикIайхту бутияра ца марцI був­сса чимусул бакI. 10 минутIрайгу диртун, лещияра цIу. ХIачIияра чан-чанну ххув тIий, кьинилул лажиндарай.

Кьавкьсса хъугьулун

* * *
Шашияра 5 чассаг ва 2 инжир ца стакан накIливу, ахъулссагу дукияра, ялун накIгу хIачIияра.

Йод биял къахъанахъийни…

* * *
Инсаннал организмалун йод биял къахъанахъийни ялун личин бюхъайссар цIуцIавуртту: эндометриоз, оьрчIакъатлул миома, мастопатия, оьрчI къа­хъанахъаву, оьтту чан шаву (анемия), остеохондроз, уч шаву.

* * *
ЧIявусса йод буссар хьхьирил продуктылуву (кальмары, хек, морской окунь, устрицы, креветки), фейхоялуву, йод хIаласса накIливу, хьхьирил каландалуву, аьнакIул лякьраву (желудки), гьивчуву, хурмалуву.

* * *
БучIиссар йод хIаласса даруртту: йодомарин, йодобаланс, йод-актив, антисрумин.

Май щинал нанаврия (насморк)

* * *
Паммалул тампондалийн дутIияра щаххуллул ахъулссаннул нагь (облепиха). Яла му паммалуй аьгъу бувара кьакьари ва майрал вивалу.

* * *
Гриппрал эпидемиялул чIумал хъинссар лимондалущалсса аьгъушиву.
Ца минутIрайсса лимон дутияра кIирисса щинавун. Яла ккирттаращал архIал дикI гьаяй машиналувух дуккан дувара. Миннул ялун 100 гр. лагаврилгу, 1-2 хъунна къуса ницIалгу дирхьуну, ххуйну хIала дувара. Гьантлун 4-5-лла лухIи ччатIул касакрал ялув дихьлай канарча хъинссар.
ЦIуллуну битаннав.

Лажин хIадур дурссар
Т. ХIажиевал