Заккунттай бувккун, 9 медаль дурххунни

[dropcap]С[/dropcap]ентябрьданул 22-25-нний Ялталий хьусса rIийла Совет Союзрал Виричу АхIмадхан Султаннул цIанийсса боксрал дунияллул халкьуннал турнирданий Дагъусттаннал боксертурал дур­ххунни 9 медаль.

[dropcap]Б[/dropcap]яст-ччаллавух гьуртту хьунни Аьрасатнал личIи-личIисса регионнаятусса ва дазул кьатIатусса сайки 200 боксер. Дагъусттаннал спортсментурал ларсунни 4 мусил, 2 арцул ва 3 чарвитул медаллу. [pullquote]ВОРКАУТРАЛ ЧЕМПИОНАТРАЙ[/pullquote]
Турнирданий ххув хьуссар Абакар Итуев (69 кило), Шамил ХIусайнов (60 кило), Салим Салиев (50 кило), Тарлан КъазимахIаммадов (54 кило). КIилчинми кIанттурду бувгьуссар Аьли МахIарамовлул (50 кило), Зиябуттин Маллаевлул (38 кило). Шамилчинми – ХIабиб Фарзуллаевлул (64 кило), ХIасан Пахруттиновлул (60 кило), Юсуп МахIаммадовлул (46 кило). Уттигу ца Дагъусттаннал боксер ххув хьуну ур Севастополлай муттаэшиврийсса хьунабакьаврий.