Уттигъанну Аьрасатнал ПаччахI­лугърал Думалуву хьуссар «ккуркки стол» «О некоторых вопросах в сфере культуры при формировании проекта бюджета на 2018 год и плановый период 2019 и 2020 гг.» тIисса цIанилусса, «Единая Россия» фракциялул сакин бувну. Мунил давривух гьуртту хьуссар ПаччахIлугърал Думалул депутат, Культуралул комитетрал член Юрий Левицкийгу.

Бадрижамал Аьлиева
[dropcap]П[/dropcap]артиялул «Местный дом культуры», «Театры – детям», «Театры малых городов» федерал проектирдал координатортал Ольга Казаковал, Наталья Пилюслул, Оксана Бондарьдул бувсун бур бавтIминнахь 2018-2019-ку шиннардий щаллу бувантIисса масъалар­ттая ва проектирдая.
«Ккуркки столданул» давривух гьуртту хьуну бур ПаччахIлугърал Думалул Культуралул комитетрал председатель Станислав Говорухин ва мунал цалчинма хъиривчу Иосиф Кобзон.
«Театры малых городов» проектрал лагрулий Дагъусттан Респуб­ликалун гьашину федерал бюджет­рава итабавкьуну бур 40 миллион къуруширттал, республикалулмур бюджетрава – 2 миллиондалия лирчусса къурушру.
«Местный дом культуры» проект иширайну щаллу дан федерал бюджетрава итабавкьуну бур 20 миллион арцул, республикалулмунива – 1 миллион къуруширттал.
«Театры – детям» проект­рал лагрулий Дагъусттаннал паччахIлугърал ссихьрал театрданунсса арцу федерал бюджетрава итадакьаврил масъала ххал бигьлай бусса бур.