Аьбдулманаплул душ Кабиева Расана
ЗахIматсса азаруннища ххассал бан къавхьуну, оьрмулул аргъираву дунияллия лавгунни Аьбдулманаплул душ Расана Кабиева.
[dropcap]Б[/dropcap]увну бур Расана 1975 шинал июнь зурул 17-нний МахIачкъалалив. Школа къуртал бувну махъ, Дагъусттаннал технический университетрал экономикалул факультетрайн бувххун бур. Мугу къуртал бувну бур марцIну ххювардай. Зий бивкIун бур Москавлив «Юнидент» тIисса фирмалий менеджерну. Расана бия сурат дишаврил гьунар бусса душ. Му хIисав хьуну, ва бувцуну бур зун Останкино телестудиялийн художник-мультипликаторну. Мунияр махъ зий бивкIун бур хъунама художествалул каялувчинал ассистентну Георгий ДанелиячIа «Кин-Дза-Дза» тIисса мультфильм дуллалисса чIумал.
Оьрмулул чIивисса бунугу, цуппа зузисса гьарица кIанай хъунмасса хIурматрай бикIайва. Ванил бия цуппагу ххирасса, цинмагу ххирасса хIат-хIисав дакъасса дустал, кIула дусшиву дангу, дустал буруччингу. Расана бия, бургъия кунма, чани ва гъилишиву нанисса, дакI-аьмал ххуйсса, аьчухсса душ, бия мукунма цила мукъуй бацIан кIулсса, иш багьсса кIанай тIайласса хIукму бан кIулсса, цияра хъуннасса тIалавшинна дусса жаваблувсса зузала. Нитти-буттан ва бия ххаллилсса душ, уссин аякьа дусса ссу.
Расанал пиш-пиш тIийннасса, чаннасса симан тачIав хъама къаритантIиссар ванищал архIал дуклай, зий, хIала-гьурттуну бивкIминнан.
Ва аьпалул шаврил кьурчIишиву кIидачIлай, жижара буллай буру нитти-буттахь, уссихь, махъсса гъан-маччанахь. Цил рухI алжаннул ххари даннав, гьав нурданул дуцIиннав.
Дустал, даврил уртакьтал, гъан-маччами
Загьуруттиннул душ Ибрагьимова Зумруд
Уттигъанну, оьрмулул 85 шинаву, аьпалухьхьун лавгунни хъинну хIал-аьмал бавкьусса зунттал хъамитайпа, ГьунчIукьатIатусса Ибрагьимова Зумруд.
[dropcap]З[/dropcap]умруд бувну бур 1932 шинал ГьунчIукьатIув. Буттал шяраву школагу къуртал бувну, колхозраву зий бивкIун бур цаппарасса хIаллай. 1951 шиная 1963 шинайн бияннин зий бивкIун бур личIи-личIисса давурттай Гъумук ва ГьунчIукьатIув. 1963 шинал ласнащал МахIачкъалалив бивзун бур. Шикку зий бивкIун бур цал пивзаводрай, яла «Промжилстрой идаралий». 1988 шинал пенсиялийн бувккун бур.
Чув зий бухьурчангу, Зумруд цила даву лажин кIялану биттур дуллай аьдат хьуну бия. Ва бия бугьараминнал хIурмат бусса, кьини дуркнал чIарав бацIан кIулсса, дакI аьчухсса инсан. Ванил цила адимина Мустапанащал ччинал хьурдай учинсса куццуй оьрму бувтссар. Вайннал дянив хьунни арс Шарип.
Зумруд лайкь хьуну бия хIурматрал грамотарттан, ва бия захIматрал ветеран.
Цил бунагьирттал аьпа баннав, алжан нясив баннав.
Ванин бакъамур оьрчIал оьрчIан булуннав.
ГьунчIукьатIрал
ва КIямашрал жямат
