[dropcap]С[/dropcap]ентябрьданул 30-нний октябрьданул 1-нний Каспийскалий Аьли Аьлиевлул цIанийсса Спортрал къатраву хьунни волейболданул Аьрасатнал чемпионатрал 3-мур турданул тIуркIурду. Дагъусттаннал «Дагестан» команда ххув хьунни Чачаннал «Грозный» командалияр.
Цалчинмур тIуркIулий Дагъусттаннал ттуплий буккулт муттаэтураяр ххув хьунни 3:0 счетрай, кIилчинмур тIуркIулий – 3:1 счетрай.
Шамилчинмур турданул хIасиллайну МахIачкъалаллал ттуплий буккултрал 3-мур кIану бувгьунни турнирданул таблицалий. Мукьилчинмур турданий октябрьданул 7-8-нний «Дагестан» командалул тIуркIу хьунтIиссар Георгиевскалий «Трансгаз – Ставрополь» командалущал.
ХIадур бувссар
ХIасан Аьдиловлул
