Барча буллай буру

[dropcap]О[/dropcap]ктябрь зурул 19-нний увну ур жяматийсса ишкка­кку, чIярусса шиннардий жаваб­лувсса хIукуматрал къуллугъирттай дакI марцIну зий, агьалинал вихшалдаран лайкь хьу­сса, ххаллилсса лаккучу, хIакьсса патриот Адамов АьвдурахIман МахIаммадович.
[dropcap]Х[/dropcap]Iурмат лавайсса Аьв­дурахIман Адамович!
ЧIа тIий буру вин цIу­ллушиву, ужагъраву нахIу­шиву, дуллалимур уттиния тихуннайгу лажин кIялану биттур дигьлан­сса каши ва кьудрат.
Ина мукуна бивзний ша бакьлай, бувсний махъ бацIлай личIаннав!
Республикалул профсоюзрал комитетрал зузалтрал цIания Амина Исмяилова.


70 шинал юбилейращал дакIнийхтуну барча буллай буру жунма хъинну ххирасса нину, щала цила оьрму оьрчIан тарбия ва кIулшиву дулаврин харж бувсса ххаллилсса педагог, яхI-намусрал бувччусса, дакI хъин­сса, уздансса хъамитайпа, Аьлиисуплул душ Саидова МалихIат.
[dropcap]Р[/dropcap]утIуллал райондалийсса Ялув ЧIатлухъиял школданий 40 шинай оьрус мазрал ва ла­кку мазрал дарсру дихьлай ина бувсса захIматгу, вил ссавургу жун дакIнийссар, вил жухь бусласисса насихIатгу жул оьрмулуву бучIи лявкъуссар. Барчаллагь вин жун дуллусса дакIнил гъилишиврухлу, жухь дирхьусса оьрмулул дарсирдахлу. Жун ина хъинну ххирассара.
Вин цIуллушиву ва хъиншивуртту чIа тIий, виха дуаьлийсса вил оьрчIру ва ина дарсру дирхьусса оьрчIру. Ина ххираминнал чулуха Самарат