Агьалинал мурадру ххал бивгьунни

[dropcap]Л[/dropcap]аргсса ххуллункьини Лакрал райондалул администрациялий агьали кьамул буллай ия ДР-лул захIматрал ва соцразвитиялул министрнал хъиривчу Зураб БахIамадов.

[dropcap]А[/dropcap]гьалинал чулухасса оьвчавуртту дия райондалийн газ буцаврил масъала анавар буккан бан, Гъумук буллай байбивхьусса цIусса школалул къатри къуртал дан, шярава шяраваллавунсса ххуллурду бакьин бан, кабакьу бува тIисса, мушакъатсса инсантурал ичIаллил шартIру къулай дан кумаг бува тIисса. Агьалинал социал хIаллихшиннарду дузал даврил центрданул директор Шяпи Щурпаевлул Хьурттал ва ХьурукIуннал жяматрал чулуха тавакъю бунни Гъумучату Хьуривсса ххуллу республикалул балансрайн ласун.
Райондалул фермертал тавакъю буллай бия субсидияртту ласун кумаг бува тIий.
Зураб БахIамадовлул гьарцагу суал сияхIрайн лавсунни, цала уртакьтурайн тапшур бунни кIицI лавгсса суаллал ялув ххалбигьавуртту хIадур дан.