[dropcap]А[/dropcap]вгустрал 26-нний МахIачкъалалив, «Анжи» команда ччалли дурккунни «Уфа» командалущал.

Р. Къардашов
ХьхьичIми тIуркIурдай «Анжи» цаннил хъирив ца дух хьуссия ххюйлла, ккаккан бувсса гьунарданун лархьхьуну, турнирданул сияхIрай 15-мур ххуттайгу дуссия.
ТIуркIулул 18-мур минутIрай муттаэтураща итххявхсса гъалатI тIайла бавцIунни. «Анжи» командалул футболистуран бахтт хьунни. Игорь Армашлул бивщуну гьан бувсса ттуп, «Уфа» командалул къапучи Беленовлуяр хьхьичIун увккун, гьужумчи Лесканол бавкьунни муттаэтурал къапулувун.
ТIуркIу къуртал хьуннин кIирагу команда хIарачат буллай дия ххувшаву цала чулухуннай кIура даен дан. Ахиргу, тIуркIу къуртал хьунни 1:0 счетрайну.
Пресс-конференциялий «Анжи» командалул хъунама тренер Вадим Скрипаченкол увкунни: «Жун ттигу чIярусса давуртту дан дур, хIакьинусса ххувшавугу гуж ва захIмат бихьлахьисса жул ххуллул дахьрасса дайдихьур».
«Анжи» — «Уфа» — 1:0
Гол бавкьунни: Лескано, 18.
«Анжи»: Будаков, Театрашвили, Мусалов, Попуяхтов, Брызгалов, Армаш, Данченко (Хубулов, 80), Аронин, Маркелов (Яковлев, 57), Долгов (Базелюков, 68) Лескано.
«Уфа»: Беленов, Йокич, Аликин, Табирзе (Абдулавов, 46), Живоч-Лядов, Стоцкий, Ванек (Кротов, 75), Пауревич, Засиев, Итбун, Фатай (Сысуев, 63).
Августрал 29-нний Москавлив хьунни Аьрасатнал футболданул кубокрал муттаэтал кIул буллали­сса кIуну буккаву.
«Анжи» командалул цал­чинмур тIуркIу хьун тIий бур Владивостокрай «Луч-Энергия» командалущал сентябрьданул 20(21)-нний.