[dropcap]Б[/dropcap]усалардайн кIура авсса артиллерист, «танкардал душман», ццах цирив къакIулсса талатала, Маккашариплул арс ЦIаххуй Маккаевлул бивтссар, Сталинградрая байбивхьуну, Берлиннайн бияннинсса цIарал ххуллу.

Тархъан бувссар Сталинград – ларсъссар ЯтIул ЦIукул орден.
Тархъан бувссар Одесса – ларсъссар ЯтIул ЦIукул 2-мур орден.
Лавсъссар Берлин – ларсъссар Совет Союзрал Виричунал цIа.

ЦIаххуй Маккаевлул 100 шинал тарихрацIун дархIусса мероприятияртту хьунтIиссар сентябрь зурул 23-нний Ккуллал райондалий – Виричунал буттал шяраву ЧIяв. ОьвтIий буру цинявннайнмагу микку гьурттушиву дуван, кувннащал кув хьунабакьин, чIиви-хъунсса мурадирайн биян!